Дар минтақаҳои Тоҷикистон дар оянда марказҳои логистикӣ ифтитоҳ мегарданд
ДУШАНБЕ, 06.05.2021 /АМИТ «Ховар»/. Ифтитоҳи марказҳои логистикӣ дар минтақаҳои кишвар дар оянда ҳамчун яке аз самтҳои афзалиятноки ҳамкорӣ зимни мулоқоти Вазири рушди иқтисод ва савдои ҷумҳурӣ Завқӣ Завқизода бо Намояндаи Созмони озуқаворӣ ва кишоварзии Созмони Милали Муттаҳид (СОК СММ) дар Тоҷикистон Олег Гучгелдиев арзёбӣ гардид. Дар ин хусус Вазорати рушди иқтисод ва савдои Тоҷикистон иттилоъ медиҳад.
Ифтитоҳи марказҳои логистикӣ дар оянда дар минтақаҳои Тоҷикистон барои дастгирии соҳаи кишоварзӣ ва таъмини аҳолӣ бо маҳсулоти босифати озуқаворӣ мусоидат менамояд, хабар медиҳад манбаъ.
Дар мулоқот Завқӣ Завқизода аз ҳамкорӣ ва иштироки СОК СММ дар таҳия ва ҷараёни иҷрои лоиҳаҳои дар Тоҷикистон татбиқшаванда арзи сипос намуда, дар робита ба сиёсати кишоварзӣ, таъмини амнияти озуқаворӣ, коҳиш додани сатҳи камбизоатӣ, бекорӣ ва дигар ҳадафҳои стратегии давлат, инчунин имконияти мавҷудаи робитаҳо дар ин самтҳо маълумоти муфассал пешниҳод кард. Намояндаи СОК СММ вобаста ба самтҳои фаъолияти созмон, чораҳои амалигардида, кумакҳои техникӣ, имконияти ҳамкории ҷумҳурӣ бо он дар соли ҷорӣ ва давраи минбаъда ибрози андеша намуд.
Зикр шуд, ки то давраи 31 декабри соли 2020 Намояндагии СОК СММ дар Тоҷикистон 17 лоиҳаи фаъоли миллиро ба маблағи умумии 8,1 миллион доллари ИМА амалӣ намудааст.
Дар анҷом мусоҳибон омодагии худро барои густариш ва истифодаи самараноки ҳамкории дуҷониба ва бисёрҷониба изҳор намуданд.
Акс аз Вазорати рушди иқтисод ва савдои Тоҷикистон
Кишоварзони ноҳияи Кӯшониён дар беш аз 10 ҳазор гектар пунбадона кишт намудаанд
Мулоқоти роҳбарони Комиссияи байниҳукуматӣ оид ба ҳамкории иқтисодӣ байни Тоҷикистон ва Русия баргузор шуд
Тоҷикистон ва Миср дар соҳаи авиатсияи гражданӣ Ёддошти тафоҳуми ҳамкорӣ ба имзо расониданд
Иштирокдорони Конфронси Созмони озуқаворӣ ва кишоварзӣ бо низоми кишоварзии нодири дараи Алмосӣ — гӯсфанди зоти ҳисорӣ ва ангури тоифӣ шинос шуданд
Дар Душанбе Намоишгоҳи байналмилалии молҳо ва хизматрасонӣ барои саломатӣ ва зебоӣ доир мешавад
Ҳамкории Тоҷикистон ва Беларус дар самти сохтмон ва меъморӣ густариш меёбад
ИСТИФОДАИ САМАРАНОКИ ЗАМИН. Аъзои хоҷагии деҳқонии «Бобои Ҳақназар» картошкаро ҷамъоварӣ намуда, тарбуз кишт мекунанд
Банкнотаи ҷашнии 100-сомонии Тоҷикистон ба рӯйхати ғолибони ҷоизаи байналмилалии IACA-2026 ворид шуд
Нақшаи пилласупорӣ дар вилояти Хатлон 76,9 фоиз иҷро гардид
Мудири кулли Созмони озуқаворӣ ва кишоварзӣ Тсюй Дунъюй ба иқтидори кишоварзии Тоҷикистон баҳои баланд дод
Ҳайати Тоҷикистон бо намояндагони Бонки аврупоии таҷдид ва рушд ва ширкати «OG Research» вохӯрӣ намуд
ПУЛИ САРМОЯГУЗОРӢ. Дар чорабинии канорӣ роҳҳои ҷалби захираҳои молиявӣ баррасӣ карда шуданд
