Имрӯз даври ниҳоии «Евровидение-2021»: онро дар куҷо ва кай метавон тамошо кард
ДУШАНБЕ, 22.05.2021 /АМИТ «Ховар»/. Ғолиби озмуни «Евровидение-2021» ба зудӣ муайян хоҳад шуд. Имрӯз, 22 май, сарояндагон аз 26 кишвари ҷаҳон дар саҳнаи «Ahoy» дар Роттердам ҳунарнамоии ҳалкунанда хоҳанд кард.
Ҳамин тавр, дар даври ниҳоӣ тамошобинон ҳунарнамоии иштирокчиён аз Россия, Албания, Исроил, Белгия, Малта, Португалия, Сербия, Британияи Кабир, Швейтсария, Исландия, Испания, Молдова, Германия, Финландия, Франсия, Булғористон, Литва, Украина, Озарбойҷон, Норвегия, Нидерланд, Италия, Шветсия ва Сан-Мариноро тамошо мекунанд.
Бинобар озмоишҳои мусбати коронавирус, намояндагони Исландия, Полша ва Австралия онлайн иштирок менамоянд. Айни замон сарояндагон аз Руминия ва Малта дар инзивоъ қарор доранд.
Россияро дар «Евровидение-2021» зодаи Тоҷикистон Манижа Сангин муаррифӣ мекунад. Манижа суруди «Russian Woman» («Зани рус»)-ро хоҳад намуд. Имоӯз ӯ дар қисми якуми даври ниҳоӣ таҳти рақами 5 суруд мехонад. Марҳилаи ниҳоӣ бо ҳунарнамоии сароянда аз Кипр Елена Тагрин бо суруди El Diablo оғоз мегардад.
Соли 2021 «Евровидение-2021» дар шакли ҳузурӣ бо риояи масофаи иҷтимоӣ- 1,5 метр, санҷиши ҳатмии коронавирус, безараргардонӣ ва дигар чораҳои бехатарӣ баргузор мешавад.
Ҳузури намояндагони ВАО дар Роттердам манъ мебошад: онҳо маҷбуранд, ки мисли аксари мухлисони озмун дар саросари ҷаҳон пахши мустақими онро тамошо кунанд.
Даври ниҳоии «Евровидение-2021»-ро дар куҷо метавон тамошо кард
АМИТ «Ховар» пайгирӣ хоҳад кард, ки кӣ дар озмуни асосии суруди сол ғолиб меояд.
Пахши мустақими даври ниҳоӣ 22 май соати 00:00 ба вақти Душанбе оғоз мешавад. Онро дар якчанд манбаъҳо метавон тамошо кард.
Барои шунавандагони русзабон даври ниҳоиро Шабакаи аввали телевизиони Россия мустақиман пахш мекунад. Пахши барномаро метавон ҳам тавасссути телевизор ва ҳам дар сомонаи https://www.1tv.ru/ тамошо кард.
Ҳамчунин онҳое, ки забони англисиро хуб мефаҳманд, метавонанд баромади сарояндагонро дар саҳифаи расмии «YouTube»-и озмун ҳамроҳ бо тамошобинони тамоми ҷаҳон тамошо кунанд.
АКС: eurovision.tv
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
