Истиқлол» ба марҳилаи 1/8-ниҳоии Лигаи чемпионҳои КФО-2021 баромад

ДУШАНБЕ, 01.05.2021 /АМИТ «Ховар»/. Чемпиони Тоҷикистон оид ба футбол- дастаи «Истиқлол»- и Душанбе ба марҳилаи 1/8-ниҳоии Лигаи чемпионҳои КФО-2021 баромад, агарчанде ки дар даври  ниҳоии марҳилаи гурӯҳии ин мусобиқа дастаи «Истиқлол» аз дастаи «АГМК»-и Ӯзбекистон бо натиҷаи 1:2 мағлуб шуда буд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

 Новобаста аз бохт «Истиқлол» бо ишғоли зинаи аввал дар якумин иштирокаш дар Лигаи чемпионҳои КФО-2021 аввалин бор ба марҳилаи 1/8-ниҳоӣ баромад.

Акнун дар марҳилаи 1/8-ниҳоии Лигаи чемпионҳои КФО-2021 «Истиқлол» бо ғолиби гурӯҳи E- «Персеполис»-и Эрон, ки соли гузашта ба финали мусобиқа роҳ ёфта буд, бозӣ мекунад. Вохӯрӣ бояд 13 ё 14 сентябр дар Душанбе баргузор шавад.

Лигаи чемпионҳои КФО-2021

Гурӯҳи «А». Даври 6-ум

 «ИСТИҚЛОЛ» (ТОҶИКИСТОН) – АГМК (Ӯзбекистон) – 1:2

Голҳо: Зафар Полвонов, 67 (0:1). Йован Ҷокич, 79 (0:2). Рустам Соиров, 87 (пен) (1:2).

«Истиқлол» (Тоҷикистон): Рустам Ятимов, Алексей Ларин, Андрей Мишенко, Муҳаммадҷон Раҳимов, Манучеҳр Сафаров, Аҳтам Назаров, Шаҳром Сулаймонов (Хуршед Ҷураев, 81), Алишер Ҷалилов, Рустам Соиров, Ваҳдат Ҳанонов, Манучеҳр Ҷалилов.

«Ал-Ҳилoл» (Арабистони Саудӣ) – «Шабоб Ал-Аҳлӣ Дубай» (АМА) – 0:2

Минтақаи Ғарб

1/8-финал

 13-14 сентябр

ИСТИҚЛОЛ (ТОҶИКИСТОН) — Персеполис (Эрон)

Шарҷа (АМА) — Ал-Ваҳда (АМА)

Эстеглал (Эрон) — Ал-Ҳилол (Арабистони Саудӣ)

Ан-Наср (Арабистони Саудӣ) — Трактор (Эрон)

АКС аз ФФТ