Кормандони Кумитаи ҳолатҳои фавқулода ва мудофиаи гражданӣ сокини 15-солаи Душанберо аз ҳалокат наҷот доданд
ДУШАНБЕ, 28.05.2021 /АМИТ «Ховар»/. Наҷотдиҳандагони Кумитаи ҳолатҳои фавқулода ва мудофиаи граждании (КҲФ ва МГ) назди Ҳукумати Ҷумҳурии Тоҷикистон сокини 15-солаи пойтахтро аз ҳалокат дар дарёи Душанбе наҷот доданд, хабар медиҳад маркази матбуоти Кумита.
Нимаи 27 май ба КҲФ ва МГ занги телефонии изтиробовар ворид шуд. Шоҳидон хабар доданд, ки дар соҳили чапи дарё, дар наздикии микрорайони 63-юми пойтахт ба як наврас хатари ғарқшавӣ таҳдид мекунад.
Гурӯҳи наҷотдиҳандагон фавран ба ҷои ҳодиса рафта, бо истифода аз ресмони бехатарӣ барои аз дарё баромадан ба наврас кумак кард.
Тавре маълум шуд, ҳангоми оббозӣ ноболиғро ҷараёни шадиди об ба масофаи 15-20 метр аз соҳил дур бурдааст ва ӯ дар яке аз танбапояҳои дарё банд мондааст.
Ҳарорати об дар вақти амалиёти наҷотдиҳӣ 15-17 дараҷа гарм буд.
Кумита хабар медиҳад, ки дар тӯли 5 моҳи соли 2021 дар махзанҳои оби кишвар 34 нафар дар натиҷаи риоя накардани қоидаҳои бехатарӣ ғарқ шудаанд, ки аз ҷумлаи онҳо 14 нафар кӯдакон ва наврасони то 16-сола мебошанд.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо исрор аз шаҳрвандон даъват мекунад, ки қоидаҳои бехатариро дар назди махзанҳои об риоя кунанд ва дар ҷойҳои мамнӯъшуда оббозӣ накунанд.
АКС аз КҲФ ва МГ
Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
