Роҳбари СУТ даъват намуд, ки то моҳи сентябр 10% аҳолии ҳар кишвар эм карда шавад
ДУШАНБЕ, 25.05.2021 /АМИТ «Ховар»/. Директори генералии Созмони умумиҷаҳонии тандурустӣ (СУТ) Тедрос Гебрейесус даъват кард, ки то моҳи сентябри соли равон 10% аҳолии ҳар кишвар эм карда шавад. Дар ин бора вай дирӯз дар Ассамблеяи 74-уми ҷаҳонии тандурустӣ, ки дар Женева ифтитоҳ ёфт, изҳори назар кард, хабар медиҳад АМИТ «Ховар» бо истинод ба ТАСС.
«Биёед, ақаллан 10% аҳолии ҳар кишварро то моҳи сентябр эм кунем», — даъват кард Тедрос Гебрейесус ва таъкид кард, ки то охири сол ба сарҳади 30% бояд расид.
«Барои расидан ба ин рақамҳо то моҳи декабр бояд эмгузаронии 250 миллион нафар дар кишварҳои камбизоат таъмин карда шавад. Инҳо кормандони соҳаи тандурустӣ ва гурӯҳҳои осебпазири аҳолӣ мебошанд. Ин ҳадди ниҳоиест, ки мо онро бояд таъмин кунем», — зикр кард роҳбари СУТ.
Тедрос Гебрейесус иттилоъ дод, ки дар ҷаҳон на камтар аз 115 000 кормандони соҳаи тандурустӣ бар асари пандемия ҷон бохтанд, гарчанде ки гузоришҳо ҳанӯз пурра такмил нашудаанд.
Вай набудани баробариро ҳангоми тақсимоти ваксинаҳо дар ҷаҳон «ҷанҷолбарангез» номид ва ҳушдор дод, ки чунин ҳолат мубориза бо пандемияро тӯлонӣ мекунад. Директори генералӣ ёдрас кард: соли равон шумораи гирифторони сирояти коронавирус аллакай аз нишондиҳандаҳои тамоми соли 2020 зиёдтар шудааст. Дар ҳафтаҳои наздик, ба гуфтаи ӯ, шумораи фавтидагон низ зиёдтар хоҳад шуд. Вазъ дар ҷаҳон бениҳоят хатарнок боқӣ мемонад, изҳор кард роҳбари СУТ. То 23 май СУТ дар бораи 166 346 635 ҳолати сироятёбӣ ва 3 449 117 ҳолати фавт ба асари коронавирус маълумот ворид шудааст.
АКС аз манбаъҳои боз
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе масоили кунунии мониторинги пиряхҳо дар Осиёи Марказӣ баррасӣ шуд
Кристин Мишел: «Дар масъалаи тағйирёбии иқлим ва ҳифзи пиряхҳо давлатҳои ҷаҳон бояд муттаҳид бошанд»
