Сафорати Франсия дар Душанбе ҷудо шудани бурсияи таҳсилии ҷои стипендиятӣ дар зинаи магистратураро эълон намуд
ДУШАНБЕ, 24.05.2020. /АМИТ «Ховар»/. Муассисаи давлатии “Маркази барномаҳои байналмилалӣ”-и Вазорати маориф ва илми Ҷумҳурии Тоҷикистон ба маълумоти довталабон мерасонад, ки Сафорати Франсия дар Душанбе ҷудо шудани бурсияҳои таҳсилиро дар соли таҳсили 2021-2025 барои ҷои стипендиятӣ ҷиҳати таҳсил дар зинаи магистратура эълон намудааст.
Тавре аз Маркази барномаҳои байналмилалии Вазорати маориф ва илми Ҷумҳурии Тоҷикистон ба АМИТ “Ховар” иттилоъ доданд, маълумот оид ба стипендия, тартиби қабул ва қоидаҳои таълимии аз ҷониби муассисаҳои тасдиқшуда дар вебсайти Сафорат мавҷуд аст. Довталабонро зарур аст, ки аз рӯи ихтисосҳои муайянамудаашон дар вебсайти донишгоҳҳои давлатии Франсия аввал худро ба қайд гирифта, баъди бақайдгирӣ ҳуҷҷатҳои заруриро (бо шакли PDF) ба почтаи электронии bourse.tadjikistan@mail.ru ба Сафорати Франсия дар Душанбе ирсол намоянд.
Шарти иштирок дар озмун барои гирифтани стипендияи барномаи магистрӣ- бояд шаҳрванди Ҷумҳурии Тоҷикистон бошад; бе маҳдудияти синну сол; интихоби ихтисос озод аст; бартарӣ ба донишҷӯёне дода мешавад, ки дар барномаҳои дудиплома таҳсил мекунанд; донишҷӯёне, ки аллакай дипломи дараҷаи магистриро соҳиб шудаанд, метавонанд ҳуҷҷатҳои худро пешниҳод намоянд.
Донишҷӯён уҳдадор мешаванд, ки дар ҳама дарсҳо иштирок кунанд, вагарна онҳо аз стипендия маҳрум хоҳанд шуд.
Эълони натиҷаҳо: натиҷаҳои озмун баъд аз 02.07.2021 дар сомонаи Сафорати Франсия дар Тоҷикистон https://tj.ambafrance.org эълон мегарданд.
АКС аз бойгонӣ
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
