Саймумин Ятимов: «Фоҷиае, ки дар минтақаҳои наздисарҳадии Қирғизистон ва Тоҷикистон рух дод, набояд ҳеҷ гоҳ такрор шавад»
ДУШАНБЕ, 01.05.2021 /АМИТ «Ховар»/. Дар вилояти Бодканд (Қирғизистон) музокироти ҳайатҳои ҳукуматӣ оид ба делимитатсия ва демаркатсияи сарҳади давлатии Тоҷикистону Қирғизистон баргузор шуд. Ҳайати Тоҷикистонро Раиси Кумитаи давлатии амнияти миллӣ Саймумин Ятимов ва ҷониби Қирғизистонро роҳбари Кумитаи давлатии амнияти миллӣ Камчибек Ташиев роҳбарӣ карданд, хабар медиҳад АМИТ «Ховар» бо истинод ба 24.kg.
Дар ҷараёни музокирот ҷонибҳо вазъи кунунӣ ва амалҳои минбаъдаро барои ҳалли низоъ дар сарҳади давлатии Тоҷикистону Қирғизистон баррасӣ карданд.
«Фоҷиае, ки дар минтақаҳои наздисарҳадии Қирғизистон ва Тоҷикистон рух дод, набояд ҳеҷ гоҳ такрор шавад», — гуфт Раиси КДАМ Ҷумҳурии Тоҷикистон Саймумин Ятимов дар мулоқот бо ҳамтои қирғизаш Камчибек Ташиев.
Ба гуфтаи ӯ, мардуми ин ду давлат дар ин минтақаҳо муддати тӯлонии таърихист, ки зиндагӣ мекунанд.
«Мардум дӯстанд, онҳо ба ҳамдигар даъвое надоранд. Мо бояд ба мардумонамон имкон диҳем, ки дар фазои сулҳу дӯстӣ зиндагӣ кунанд. Имрӯз, дар мулоқоти намояндагони ду давлат, мо дар бораи ҳалли масъалаҳои таъмини сулҳ дар сарзамини қирғизҳову тоҷикон ба тавофуқи усулӣ расидем. Боварӣ дорам, ки мо ин корро карда метавонем ва дар муддати кӯтоҳ ҳамаро ҳал хоҳем кард», — гуфт ӯ.
Раиси КДАМ Ҷумҳурии Қирғизистон Камчибек Ташиев зикр кард, ки имрӯз ҳайатҳо оид ба делимитатсия ва демаркатсияи сарҳади давлатӣ ба манфиати ду кишвар протокол иборат аз чор бандро қабул карданд.
«Имрӯзҳо мардуми Қирғизистон ва Тоҷикистон рӯзҳои душворро аз сар мегузаронанд, фоҷиа рух дод. Дар ин ҳангом барои мо доир намудани мулоқот душвор буд, аммо бо вуҷуди ин, бо дастури сарони давлатҳо мо ин музокиротро баргузор кардем ва тасмим гирифтем, ки тирандозиро комилан қатъ кунем ва нерӯҳоямонро аз марз бозпас гардонем. Худо хоҳад, дар кишварҳои мо оромии комил ва сулҳ ҳукмфармо хоҳад буд», — иброз дошт Камчибек Ташиев.
Ёдовар мешавем, ки созиш дар бораи баргузории ин музокирот зимни суҳбати телефонии сарони ду давлат ҳосил шуда буд.
Акс аз рӯи навор
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ПАРЧАМИ НАНГУ НОМИ МО. Аз барафрохтани Парчами давлатии Тоҷикистон дар шаҳри Душанбе 14 сол сипарӣ гардид
Пешвои миллат: «Таҳти ин парчами муқаддас 35-солагии истиқлоли давлатиро бо дастовардҳои назаррас истиқбол намоем»
Аввалин Парчами давлатии Ҷумҳурии Тоҷикистон ёдгории нодир аст. Эҳдо ба Рӯзи Парчами давлатӣ
Президенти Тоҷикистон: «Дар зери Парчами давлатиямон боз ҳам бештар муттаҳид бошем!»
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
Нисбат ба беш аз 1300 волидайн барои бемасъулиятӣ дар тарбияи фарзанд санади маъмурӣ тартиб дода шуд
Ба ноҳияи Лахш як экскаватор ва як мошини пуриқтидори сӯхторхомӯшкунӣ ворид карда шуд
Мулоқоти Президенти Покистон Осиф Алӣ Зардорӣ бо Вазири мудофиаи Тоҷикистон Эмомалӣ Собирзода дар Исломобод
Нақши Президенти Тоҷикистон дар бунёди низоми муосири идоракунии давлатӣ назаррас аст
