Шабонарӯзи охир дар ҷаҳон зиёда аз 442 ҳазор ҳолати сирояти коронавирус ошкор шуд

ДУШАНБЕ, 25.05.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 442 ҳазор афзоиш ёфта, аз 167,98 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 10:00 (ба вақти Душанбе)-и 25 май, ба СУТ дар бораи 167 988 622 сироятшуда ва 3 487 066 фавт маълумот расидааст. Шумораи гирифторони ин беморӣ шабонарӯзи охир 442 879 нафар ва фавтидагон 8 882 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 33 922 937. Баъд аз он Ҳиндустон (26 948 874), Бразилия (16 121 136), Франсия (5 605 895), Туркия (5 194 010), Россия (5 009 911), Британияи Кабир (4 464 900), Италия (4 194 672), Германия (3 659 990), Испания (3 647 520), Аргентина (3 562 135) ва Колумбия (3 249 433) қарор доранд.

АКС аз Leonhard Foeger / Reuters