Шабонарӯзи охир дар ҷаҳон зиёда аз 559 ҳазор ҳолати сирояти коронавирус ошкор шуд

ДУШАНБЕ, 27.05.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 559 ҳазор афзоиш ёфта, аз 169,09 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ). 

Ба ҳолати соати 10:30 (ба вақти Душанбе)-и 27 май, ба СУТ дар бораи 169 094 393 сироятшуда ва 3 512 509 фавт маълумот расидааст. Шумораи гирифторони ин беморӣ шабонарӯзи охир 559 688 нафар ва фавтидагон 12 342 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 33 971 207. Баъд аз он Ҳиндустон (27 369 093), Бразилия (16 275 440), Франcия (5 621 696), Туркия (5 212 123), Россия (5 026 168), Британияи Кабир (4 470 297), Италия (4 201 827), Германия (3 667 041), Испания (3 657 886), Аргентина (3 622 135) ва Колумбия (3 294 101) қарор доранд.

АКС аз Валерий Шарифулин / ТАСС