Шабонарӯзи охир дар ҷаҳон зиёда аз 776 ҳазор ҳолати сирояти коронавирус ошкор шуд

ДУШАНБЕ, 05.05.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 776 ҳазор афзоиш ёфта, аз 154,99 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

 Ба ҳолати соати 10:00 (ба вақти Душанбе)-и 5 май, ба СУТ дар бораи 154 994 578 сироятшуда ва 3 241 298 фавт маълумот расидааст. Шумораи гирифторони ин беморӣ шабонарӯзи охир 776 695 нафар ва фавтидагон 13 667 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 33 274 659. Баъд аз он Ҳиндустон (20 665 148), Бразилия (14 860 812), Франcия (5 680 378), Туркия (4 929 118), Россия (4 839 514), Британияи Кабир (4 423 796), Италия (4 059 821), Испания (3 544 945), Германия (3 448 182), Аргентина (3 047 417) ва Колумбия (2 919 805) қарор доранд.

АКС аз манбаъҳои боз