Шарҳи расмӣ: сӯхтор дар нуқтаи фурӯши сӯзишворӣ воқеъ дар маҳалли Испечаки шаҳри Душанбе

Май 2, 2021 08:12

ДУШАНБЕ, 02.05.2021 /АМИТ «Ховар»/. 1-уми май як нуқтаи фурӯши сӯзишворӣ дар минтақаи Испечаки шаҳри Душанбе оташ гирифт. Ин ҳодиса тахминан соати 18:30 дақиқа рух дод. Нуқтаи таъмини сӯзишвории «ЭКО-ОЙЛ», ки дар ноҳияи Сино, кӯчаи Зафар, буриши маҳаллаи Ҳамадонӣ (шафати кӯчаи Мехкалон 50) воқеъ аст ва ба соҳибкор Эҳсонҷон Розиқов, соли таваллудаш 1988, истиқоматкунандаи шаҳри Душанбе, кӯчаи С.Шерозӣ 64, хонаи 72 тааллуқ дорад, баногаҳ оташ гирифт. Дар ин бора АМИТ «Ховар» бо истинод ба Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон хабар медиҳад.

Бо супориши Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дастаи махсуси зудамали наҷоти Раёсати шаҳри Душанбе соати 18:50 дақиқа дар ҳайати 2 гурӯҳ иборат аз 12 нафар бо 2 автомашинаи садамавӣ ба ҷойи ҳодиса сафарбар гардиданд.

Маврид ба зикр аст, ки  барои бартараф намудани ҳолати баамаломада, 16 адад техникаи махсуси сӯхторхомӯшкунии ҷузъу томҳои Хадамоти оташнишонии шаҳри Душанбе, 13 адад техникаҳои Раёсати истифодабарии роҳҳои шаҳри Душанбе, 9 адад техникаи ёрии таъҷилӣ ва зиёда аз 50 нафар ҳайати шахсии ШВКД-и 2-и ноҳияи Сино дар ҷойи ҳодиса фаъолият карданд. Забонаи оташ ба ҳадде бузург буд, ки танҳо соати  22:12 ба пуррагӣ хомӯш карда шуд.

Инчунин дар натиҷаи сӯхтор болопӯши мағозаи шафати НФС-и мазкур, девори саҳни ҳавлии хонаи №17 дар суроғаи ёдшуда ва шишаҳои тирезаҳои боғчаи хусусии кӯдаконаи “Фазл-2010” қисман зарар диданд.

Муайян гардид, ки дар натиҷаи сӯхтор 29 нафар шаҳрвандон зарарҳои гуногуни ҷисмонӣ бардошта: 13 нафар ба Маркази тиббии №3-и шаҳри Душанбе ва 16 нафар ба Муассисаи давлатии Маркази миллиии Шифобахш (Қарияи Боло) интиқол дода шуданд.

Аз Муассисаи давлатии Маркази миллии Шифобахш 12 нафар ва аз Маркази тиббии №3-и шаҳри Душанбе 10 нафар баъди муоинаи табибон ба хонаҳояшон ҷавоб дода шуданд.

Айни замон дар Маркази миллии Шифобахш 4 нафар ҷароҳат бардоштагон бистарианд, ки ду нафари онҳо ҳоли вазнин доранд.

Се нафар аз зарардидагон занони аз 25 то 47-сола мебошанд, ки ҳоли яке аз ин занҳо вазнин гузориш шудааст.

Сӯхтор талафоти ҷонӣ надошт.

Сабабҳои сар задани сӯхтор аз ҷониби мақомоти марбута санҷидаву таҳлил мешавад.

Акс аз манбаъҳои боз

Май 2, 2021 08:12

Хабарҳои дигари ин бахш

Изҳороти муштараки Ҳайатҳои ҳукуматии Тоҷикистон ва Қирғизистон дар бораи делимитатсия ва демаркатсияи Сарҳади давлатии Тоҷикистону Қирғизистон
Саймумин Ятимов: «Фоҷиае, ки дар минтақаҳои наздисарҳадии Қирғизистон ва Тоҷикистон рух дод, набояд ҳеҷ гоҳ такрор шавад»
Тоҷикистон ва Қирғизистон дар бораи оташбаси пурра ва хуруҷи нерӯҳо ба мувофиқа расиданд
САҲА созишномаи оташбас миёни Тоҷикистон ва Қирғизистонро қадами дуруст номид
Имрӯз ҷаласаи Комиссияи байниҳукуматӣ оид ба делимитатсия ва демаркатсияи сарҳади давлатии Тоҷикистон ва Қирғизистон баргузор мешавад
ТАСС: Қӯшунҳои сарҳадии Тоҷикистон хабарро дар бораи забти посбонгоҳ дар марз бо Қирғизистон рад кард
Маркази матбуоти Қӯшунҳои сарҳадии КДАМ Ҷумҳурии Тоҷикистон хабар медиҳад
ИЗҲОРОТИ МУШТАРАК: Тоҷикистон ва Қирғизистон хоҳиш ва омодагии худро барои ҳалли ҳама масъалаҳо тавассути гуфтушунид изҳор карданд
БА ИҒВОЮ ФИТНА ДОДА НАШАВЕД! Муроҷиати Хадамоти матбуоти Раиси вилояти Суғд
Раҷаббой Аҳмадзода: Оқибатҳои даргириҳои рӯзи гузашта пурра бартараф мешаванд
Изҳороти Тоҷикистон ва Қирғизистон дар бораи қатъ намудани низои мусаллаҳона
Изҳороти муштарак

Маводҳои таҳлилӣ