Варзишгарони тоҷик барои роҳхатҳои охирини олимпӣ талош мекунанд

Май 4, 2021 09:30

ДУШАНБЕ, 04.05.2021 /АМИТ «Ховар»/. 6-9 май дар шаҳри  Софияи Булғористон мусобиқаи ниҳоии интихобӣ оид ба гӯштин дар доираи Бозиҳои олимпии Токио – мусобиқаи интихобии ҷаҳонӣ  баргузор мешавад. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон хабар дод.

Тибқи иттилои сомонаи расмии Иттиҳоди ҷаҳонии гӯштин, барои ба даст овардани 36 роҳхати охирин ба Токио (иштирокчиёни финал дар 18 категорияи вазнӣ) 474 нафар варзишгарон аз 84 давлати дунё дар София ҷамъ меоянд.

Аз Ҷумҳурии Тоҷикистон  дар ин мусобиқа 7 варзишгар иштирок мекунанд:

Гӯштини тарзи озод

57кг – Муҳаммад Икромов

65кг – Мустафо Ахмедов

86кг – Баҳодур Қодиров

125кг – Искандари Рустам

Гӯштини юнонӣ-румӣ

60кг – Фирӯз Мирзораҷабов

77кг – Далер Ризозода

87кг – Суҳроб Абдулҳаев

Иттиҳоди ҷаҳонии гӯштин хабар додааст, дар ҳоле ки дар панҷ соли охир гӯштингирони ҷавон рӯи майдон омадаанд, ҳашт нафар ҷоизадори олимпӣ ҳанӯз роҳхати Бозиҳои олимпии Токиоро нагирифтаанд ва дар мусобиқаи София ширкат мекунанд.

Чемпионати ҷаҳон оид ба гӯштин, ки соли 2019 дар шаҳри  Нурсултони  Қазоқистон  баргузор шуда буд (6 роҳхат дар ҳар категорияи вазнӣ), мусобиқаҳои интихобии қоравӣ, ки соли 2021 доир гардиданд (2 роҳхат дар ҳар категорияи вазнӣ) иштирокчиёни Бозиҳои олимпиро муайян кард. Вале варзишгарони тоҷик дар ду мусобиқаи гузашта натавонистанд роҳхати олимпӣ ба даст оваранд.

Дар Бозиҳои олимпӣ аз рӯи намуди гӯштин 288 варзишгар (192 мард, 96 зан) аз тамоми ҷаҳон ширкат мекунанд ва дар 18 категорияи вазнӣ (равияи тарзи озод — 6 вазн миёни мардон, 6 вазн миёни бонувон ва равияи юнонӣ-римӣ — 6 вазн миёни мардон) барои ҷоизаҳои олимпӣ талош менамоянд.

Май 4, 2021 09:30

Хабарҳои дигари ин бахш

Рақибони паҳлавонони тоҷик дар Мусобиқаи байналмилалӣ оид ба дзюдо — «Kazan Grand Slam 2021» муайян шуданд
Ғолибони бозиҳои даври панҷуми Чемпионати Тоҷикистон миёни дастаҳои Лигаи олӣ муайян шуданд
«Истиқлол» пас аз роҳ ёфтан ба марҳилаи 1/8 ниҳоии Лигаи чемпионҳои КФО-2021 ба Ватан баргашт
Чемпионати Осиё оид ба бокс 21 май дар Дубай оғоз мегардад
Истиқлол» ба марҳилаи 1/8-ниҳоии Лигаи чемпионҳои КФО-2021 баромад
Имрӯз бозиҳои даври панҷуми Чемпионати Тоҷикистон миёни дастаҳои Лигаи олӣ оғоз мешавад
«Истиқлол» бозии охирини гурӯҳии Лигаи чемпионҳои Осиёро бо дастаи АГМК-и Ӯзбекистон мегузаронад
Паҳлавонони маъруфи тоҷик дар Мусобиқаи байналмилалии «Kazan Grand Slam 2021» иштирок мекунанд
«Истиқлол» дар бозии даври шашум бо дастаи АГМК-и Ӯзбекистон рақобат мекунад
Чемпионати Осиё оид ба бокс дар шаҳри Дубайи Аморати Муттаҳидаи Араб гузаронида мешавад
«Истиқлол» дар бозии даври панҷум бар дастаи «Шабоб Ал-Аҳлӣ Дубай» ғолиб омад
«Истиқлол» дар бозии даври панҷум бо дастаи ««Шабоб Ал-Аҳлӣ Дубай» рақобат мекунад

Маводҳои таҳлилӣ