Вазорати меҳнат, муҳоҷират ва шуғли аҳолии Тоҷикистон шаҳрвандонро ба омӯзиши 92 ихтисоси коргарӣ даъват менамояд

Май 4, 2021 15:41

ДУШАНБЕ, 04.05.2021 /АМИТ «Ховар»/. Вазорати меҳнат, муҳоҷират ва шуғли аҳолии Ҷумҳурии Тоҷикистон шаҳрвандони мамлакатро ба омӯзиши 92 ихтисоси коргарӣ вобаста ба талаботи бозори меҳнат даъват менамояд. Давраи омӯзиш аз як то се моҳро дар бар мегирад ва тибқи «Барномаи давлатии мусоидат ба шуғли аҳолӣ» таълим ва омӯзиши ихтисосҳои мазкур ройгон буда, барои таълимгирандагон стипендия низ пардохт карда мешавад. Дар ин бора хабарнигори АМИТ «Ховар» бо истинод ба маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ  медиҳад.

92 ихтисос фарогири касбу ҳунарҳои миллию муосир буда, дар заминаи Муассисаи давлатии «Маркази таълимии калонсолони Тоҷикистон» ва филиалҳои он дар шаҳру ноҳияҳои мамлакат таълим дода мешаванд. Ба ҳунарҳои миллӣ адрасбофӣ, гилембофӣ, қолинбофӣ, ҷӯроббофӣ, сабадбофӣ, гулдӯзӣ, зардӯзӣ, бофанда, ресанда, мӯҳрабоф, оҳангар, заргар, мисгар, дуредгар, кулолгар, нигинтарош, пардадӯз, чӯбтарош, коркарди пӯст ва даҳҳо ихтисоси дигар марбутанд.

Ба ҳунарҳои муосир ошпаз, нонпаз, қаннод, ороиши меваву сабзавот, рӯзгордорӣ, пешхизмат, тарроҳ, маҳсгар, мебелсоз, котиба-коргузор, шарбаттайёркун, фурӯшанда, таъмиргари асбоби барқӣ, таъмиргари телефонҳои мобилӣ, роҳбалади автобус, пойафзолдӯз, ороишгари мӯй, рӯй ва нохун, маъмури меҳмонхона, маъмури тарабхона, мураббия – парастор, муҳосиб, назоратчии барқ, назоратчии газ ва даҳҳо ҳунарҳои дигар дохил мешаванд.

Ҳунарҳои сохтмонӣ андовагар, арматурчӣ, хиштчин, харрот, рангмол, бетонрез, устои дару тиреза, борбанд, кафшергари барқӣ, кафшергари газӣ, пармагар, челонгар, ронандаи автомобили борбар, ронандаи дараҷаи В, С мебошанд.

Ба ҳунарҳои кишоварзӣ гулпарвар, занбӯриасалпарвар, картошкапарвар, растанипарвар, сабзавоткор, фермер, консервакунонӣ, коркарди маҳсулоти ширӣ, ҷангалбон, чорвопарвар дохиланд.

Инчунин забонҳои русӣ, англисӣ ва немисӣ низ омӯзонида мешаванд.

Ҳар шаҳрванди мамлакат аз рӯи хоҳиш ва завқу малакаи худ метавонад ихтисосҳои мавриди алоқаашро дар саросари Тоҷикистон омӯзад. Барои пайдо намудани маълумоти иловагӣ метавонед ба шуъбаи Агентии меҳнат ва шуғли аҳолии минтақаи ҷойгиршавии (шаҳру ноҳияи) худ муроҷиат намоед.

Ёдовар мешавем, ки Президенти мамлакат муҳтарам Эмомалӣ Раҳмон дар Паёми имсолаи худ  нисбат ба вазъи имрӯзаи касбияти коргарон чунин иброз намуданд: «…тибқи таҳлилҳо, сатҳи касбияти коргарон ҳанӯз ба талаботи бозори меҳнат ҷавобгӯ набуда, ин масъала ба ислоҳоти ҷиддӣ ниёз дорад.

Дар ҷараёни ислоҳот як масъаларо ба эътибор бояд гирифт, ки имрӯз дар Тоҷикистон зарурат ва талабот барои ҷорӣ намудани омӯзиши садҳо ихтисоси дигар вуҷуд дорад».

Акс аз бойгонии АМИТ «Ховар»

Май 4, 2021 15:41

Хабарҳои дигари ин бахш

Дар Суғд собиқадорони Ҷанги дуюми ҷаҳон ва ақибгоҳ қадрдонӣ мегарданд
АГЕНТИИ ОБУҲАВОШИНОСӢ: 5-6 май дар бархе ноҳияҳои Тоҷикистон борон борида, раъду барқ ба амал меояд
«ГАР ДАСТИ ФИТОДАЕ БИГИРӢ, МАРДӢ…». Соҳибкор Маҳмудҷон Муродов дар моҳи шарифи Рамазон ба беморон, табибон ва донишҷӯён дасти кумак дароз намуд
Дар Тоҷикистон ба аҳолӣ аҳамияти расмикунонии вазъи ҳуқуқии муҳоҷиронро шарҳ медиҳанд
Раиси КДАМ Саймумин Ятимов ва Раиси вилояти Суғд Раҷаббой Аҳмадзода бо сокинони деҳоти Ворух, Чоркӯҳ ва Хоҷаи Аълои шаҳри Исфара мулоқот доир намуданд
Моҳи май дар Тоҷикистон ҳаво гарм ва сербориш мешавад
БАЧАҲОРО ЭҲТИЁТ КУНЕД! Аз беназоратӣ боз ду кӯдак дар об ғарқ шуд
«ҲЕҶ КАС ВА ҲЕҶ ЧИЗ ФАРОМӮШ НАМЕШАВАД!». Таҳти ин унвон дар Кӯлоб маъракаи даҳрӯзаи Поси хотир баргузор мегардад
Дар ноҳияи Рӯдакӣ 475 нафар бо ҷойи кори доимӣ таъмин гардиданд
Саймумин Ятимов ва Раҷаббой Аҳмадзода дар Беморхонаи марказии Исфара захмбардоштагонро аёдат намуданд
Раиси вилояти Суғд Раҷаббой Аҳмадзода дар Беморхонаи марказии Исфара аз ҳоли ҷароҳатбардоштагон хабар гирифт
Ҷамолиддин Абдуллозода ва Такаюки Мияшита рушди ҳамкорӣ дар соҳаи тандурустиро баррасӣ намуданд

Маводҳои таҳлилӣ