Қароргоҳи СММ аз 6 июл ба реҷаи пурраи кор дар шакли ҳузурӣ мегузарад

Июнь 9, 2021 11:25

ДУШАНБЕ, 09.06.2021 /АМИТ «Ховар»/. Кормандони қароргоҳи  СММ дар Ню-Йорк бо назардошти коҳиш ёфтани маҳдудиятҳои санитарие, ки дар калонтарин шаҳри ИМА бо сабаби пандемияи коронавирус ҷорӣ гардида  буданд, аз 6 июл тадриҷан ба реҷаи пурраи кор дар шакли ҳузурӣ бармегарданд. Дар ин бора 7 июн,  дар номаи дабири кулли СММ Антонио Гутерриш ба кормандони Созмони мазкур  гуфта шудааст, хабар медиҳад АМИТ «Ховар» бо истинод ба Хадамоти матбуотии Созмон.

Дар ин санад таъкид шудааст, ки моҳҳои охир дар шаҳр теъдоди ҳолатҳои сироятёбӣ бо коронавируси нав коҳиш ёфтааст. Гутерриш  зикр  кард, ки аз 6 июл бо дарназардошти маҳдудиятҳои эҳтимолӣ барои ҳадди бештари одамон, ки будани онҳо дар бино маҷоз аст, «қароргоҳи СММ дар Ню-Йорк ба талабот барои бозгашти пурра ба шакли ҳузурии пешбурди корҳо ҷавобгӯ хоҳад буд».

«Ин маънои онро дорад, ки аз 6 июли соли 2021 интизор меравад ҳамаи кормандоне, ки пас аз тасдиқи ҷадвали алтернативӣ дар моҳи марти соли 2020 ҳафтае панҷ рӯз бо реҷаи фосилавӣ кор кардаанд, тадриҷан ба ҷойҳои кории худ баргарданд», — шарҳ дод дабири кулл.  Вай эзоҳ дод, ки  «ин маънои дар  моҳи июл бозгашти якбораи кормандонро  ба қароргоҳ надорад».  Номбурда  афзуд, ки нахуст кормандони созмони ҷаҳонӣ бояд «дар як ҳафта як рӯз ё бештар аз он» дар ҷои кор бошанд. Ҳуҷҷат муайян мекунад, ки дар ин қойида истисноҳои гуногун мавҷуданд.Гутерриш инчунин изҳори умед кард, ки дар оянда «манфиатҳои зиёди кор дар реҷаи фосилавӣ» ҳангоми ба рӯихатгирии кормандони созмони ҷаҳонӣ ба назар гирифта хоҳанд шуд.

 АКС аз бойгонӣ

Июнь 9, 2021 11:25

Хабарҳои дигари ин бахш

Шабонарӯзи охир дар ҷаҳон зиёда аз 434 ҳазор ҳолати сирояти коронавирус ошкор шуд
Муҳоҷирони меҳнатӣ метавонанд тавассути қатора ба Россия биоянд: қоидаҳои нави вуруд
AЛФА, БЕТА, ГАММА … СУТ қарор кард, ки штаммҳои коронавирусро бо ҳарфҳои алифбои юнонӣ номгузорӣ кунад
Шабонарӯзи охир дар ҷаҳон зиёда аз 447 ҳазор ҳолати сирояти коронавирус ошкор шуд
Олими амрикоӣ аз таҳдиди COVID-26 ва COVID-32 ҳушдор дод
БАШОР АСАД БОЗ ПРЕЗИДЕНТИ СУРИЯ ИНТИХОБ ШУД. Димишқ пирӯзии ӯро бо мушакпаронӣ ва сайругашти густурда таҷлил намуд
СММ ҳамлаи маргбор ба мактаб дар Кобулро маҳкум намуд
Дабири кулли СММ дар бораи афзоиши рекордии ҳарорати Замин дар тӯли 3 миллион сол изҳори назар кард
Бар асари обхезӣ дар Афғонистон 34 нафар ҳалок шуданд
Раиси ноҳияи Бодканд ва чанд мансабдори дигари Қирғизистон аз вазифаҳои худ сабукдӯш карда шуданд
Кишти кӯкнор дар Афғонистон афзоиш ёфтааст
Дар Хинҷони Афғонистон аз ҷониби гурӯҳи «Толибон» ҳафт нафар намозгузорон кушта шуданд