Бахшида ба 30-солагии Истиқлоли давлатӣ китоби нави «Народная газета» дар бораи Президенти мардумӣ» аз чоп баромад

Июнь 5, 2021 10:18

ДУШАНБЕ, 05.06.2021 /АМИТ «Ховар»/. Бахшида ба 30-солагии Истиқлоли давлатӣ китоби нави «Народная газета» дар бораи Президенти мардумӣ» аз чоп баромад. Китоб аз 734 саҳифа иборат буда, аз ҷониби нашрияи русзабони Ҳукумати Ҷумҳурии Тоҷикистон «Народная газета» таҳия ва нашр шудааст.

Китоб ба марҳилаи ба даст овардани Истиқлоли давлатии Ҷумҳурии Тоҷикистон дар соли 1991, ки ба вазъи душвори иҷтимоию сиёсии кишвар ва ҷанги шаҳрвандии солҳои 1992-1997 марбут аст, инчунин сари қудрат омадани Президенти мардумии Ҷумҳурии Тоҷикистон Эмомалӣ Раҳмон ҳамчун пешвои миллат ва асосгузори давлати соҳибистиқлоли тоҷикон бахшида шудааст.

Бори аввал дар ин китоб матнҳои ҳамаи суханрониҳои Сарвари давлат дар давраи аз соли 1991 то соли 1999, ки дар сафҳаҳои «Народная газета» ва китоби «Истиқлолияти Тоҷикистон ва эҳёи миллат» бо таҳрири С.Фаттоев  нашр гардидаанд, гирд оварда шудаанд. Хонанда метавонад бо фаъолияти пурсамари Эмомалӣ Раҳмон дар роҳи сулҳ ва бунёди давлати навини тоҷикон шинос шавад.

Нусхаи электронии китобро дар сомонаҳои АМИТ “Ховар” ва “Народная Газета” дастрас кардан мумкин аст.

Китоб барои доираи васеи хонандагон пешбинӣ шуда, барои омӯзиш аз ҷониби магистрҳо, аспирантҳо, сиёсатшиносон ва онҳое, ки ба таърихи ба даст овардани Истиқлоли давлатии Ҷумҳурии Тоҷикистон таваҷҷуҳ доранд, тавсия дода мешавад.

Июнь 5, 2021 10:18

Хабарҳои дигари ин бахш

35-СОЛАГИИ ИСТИҚЛОЛИДАВЛАТӢ. Дар вилояти Хатлон 2762 биною иншоот мавриди истифода қарор гирифтааст
35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон осоишгоҳи замонавӣ бунёд мегардад
Президенти Тоҷикистон Эмомалӣ Раҳмон дар шаҳри Душанбе корхонаи бофандагии Ҷамъияти саҳомии кушодаи «Пиллаи тоҷик»-ро ифтитоҳ намуданд
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
Пешвои миллат Эмомалӣ Раҳмон дар шаҳри Душанбе Меҳмонхонаи «Кангурт Гранд Ҳотел»-ро мавриди истифода қарор доданд
Сарвари давлат Эмомалӣ Раҳмон дар шаҳри Душанбе бинои бисёрфунксионалӣ бо ҷойгиршавии Меҳмонхонаи чорситорадори «Фирдавсӣ»-ро ифтитоҳ намуданд
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад