Дар Арабистони Саудӣ танҳо шахсони бо ваксинаҳои зидди коронавирус эмшуда метавонанд аз марказҳои тиҷоратӣ боздид намоянд

Июнь 14, 2021 11:12

ДУШАНБЕ, 14.06.2021 /АМИТ «Ховар»/. Боздид аз мағозаҳо, фурӯшгоҳҳо ва дигар иншооти бузурги тиҷоратӣ дар Арабистони Саудӣ аз 1 август барои касоне, ки бо ваксинаи зидди коронавирус эм нашудаанд, ғайриимкон хоҳад шуд. Дар ин бора сухангӯи Вазорати тиҷорати шоҳигарӣ Абдурраҳмон ал-Ҳусейн изҳор доштааст, хабар медиҳад ТАСС.

«Касоне, ки бо ваксинаҳои зидди коронавирус эм карда нашудаанд, пас аз 48 рӯз наметавонанд ба муассисаҳои бузурги савдо ва фурӯши молҳо бираванд. Аз 22 -уми моҳи зулҳиҷҷаи  солшумории Ҳиҷрӣ (мувофиқи тақвими григорянӣ аз 1 августи соли 2021), шарти ворид шудан ба биноҳое, ки дар онҳо маҳсулот фурӯхта мешавад, доштани санади эм шудан ҳадди аққал бо як ваксинаи зидди коронавирус хоҳад буд», — гуфт сухангӯй.

Пештар мақомоти Арабистони Саудӣ гуфта буданд, ки аз 1 август доштани санади эм шудан бо ваксинаи зидди коронавирус ҳангоми боздид аз муассисаҳои давлатӣ, инчунин як қатор чорабиниҳои иқтисодӣ, иҷтимоӣ, фарҳангӣ ва ғайра дар кишвар ҳатмӣ хоҳад шуд.

Тибқи маълумоти охирин, дар шоҳигарӣ бо аҳолии 34,2 миллион нафар, аз оғози пандемия 465.797 ҳолати сироятёбӣ бо COVID-19 сабт шудааст ва 7572 бемор ба асарии сироят фавтидааст. Дар маҷмӯъ, дар ҳоли ҳозир дар Арабистони Саудӣ 10132 нафар таҳти табобат қарор доранд, ки ҳоли 1575 нафари онҳо бениҳоят вазнин аст. То ҳол 15 687 142 сокини кишвар бо вояҳои доруҳои зидди коронавирус эм карда шудааст.

 АКСИ: Reuters

Июнь 14, 2021 11:12

Хабарҳои дигари ин бахш

Подшоҳи Британия Карли III расман сарвари давлатҳои Австралия, Канада ва Зеландияи Нав шуд
ФАВРӢ! Карл III имрӯз Подшоҳи Британияи Кабир эълон мешавад
Малика Елизаветаи II даргузашт
Дабири кулли СММ собиқ президенти Қирғизистон Роза Отунбоеваро намояндаи махсус оид ба Афғонистон таъйин кард
Лиз Трасс дар мақоми Сарвазири Британияи Кабир ба кор оғоз намуд
Дар Чин бар асари заминларза беш аз 40 нафар ба ҳалокат расиданд
Лиз Трасс Сарвазири нави Британияи Кабир гардид
СММ: Бинобар обхезӣ дар Покистон 33 миллион нафар зарар дидаанд
Сатҳи гирифторӣ ба COVID-19 дар як ҳафта дар тамоми минтақаҳои ҷаҳон коҳиш ёфт
Қосим-Жомарт Токаев пешниҳод намуд, ки интихоботи пеш аз муҳлати президентӣ дар Қазоқистон тирамоҳ баргузор шавад
Анҷумани XX Ҳизби коммунистии Чин 16 октябр ифтитоҳ меёбад
ВАО: теъдоди қурбониёни даргириҳои мусаллаҳона дар Бағдод ба 30 нафар расид