Дар Эрон номи президенти навро эълом карданд

Июнь 19, 2021 11:58

ДУШАНБЕ, 19.06.2021 /АМИТ «Ховар»/. Номзад ба мансаби президентӣ дар Эрон Муҳсин Ризоӣ собиқ прокурори генералӣ ва роҳбари кунунии мақомоти судии Эрон Иброҳим Раисиро (ДАР АКС) бо пирӯзӣ дар интихоботи президентӣ табрик кард. Дар ин бора имрӯз, 19 июн агентии «ISNA» хабар дод.

Бояд гуфт, ки интихоботи президентӣ дар Эрон як рӯз пеш баргузор гардид ва ҳоло ҳисобкунии овозҳо дар арафаи анҷомёбист.

«Ман роҳбари олӣ, мардуми Эрон ва интихоби мардум, бародари худ Иброҳим Раисиро табрик мегӯям», — навиштааст Ризоӣ дар паёме, ки ба роҳбари мақомоти судӣ фиристодааст.

Дар аввал дар сабқати президентӣ ҳафт сиёсатмадор ширкат доштанд, аммо се нафари онҳо номзадии худро бозпас гирифтанд.

Ҳамин тариқ, мубориза барои мансаби президентӣ роҳбари мақомоти судии Эрон Иброҳим Раисӣ, котиби Шӯрои мақсаднокии қарорҳои қабулкарда Муҳсин Ризоӣ, муовини раиси парлумон Ҳусейн Ғазизода Ҳошимӣ, инчунин ислоҳотхоҳ ва собиқ роҳбари Бонки марказӣ Абдулносир Ҳимматӣ байни ҳам рақобат доштанд.

Президенти амалкунанда Ҳасани Рӯҳонӣ дар интихобот ширкат накард, зеро муҳлати дуввуми ӯ дар ин мақом ба анҷом мерасад.

Ба гуфтаи коршиносон, Раисӣ, ки аз ҷониби роҳбари олии Эрон Алии Ҳоманеӣ дастгирӣ мешавад, дар интихоботи президентӣ пирӯз хоҳад шуд.

Ёдовар мешавем, ки соли 2017 Иброҳим Раисӣ дар интихоботи президентии Эрон мағлуб шуд ва аз Шӯрои нигаҳбон, ки вазифаи он назорати интихобот аст, таҳқиқи қонуншиканӣ дар давраҳоро хостааст, хабар медиҳад Форс. Он вақт президенти амалкунанда Ҳасани Рӯҳонӣ бо гирифтани 57% овозҳо ба муҳлати дуввум интихоб гардида буд. Раисӣ тақрибан 38% овозҳоро ба даст оварда буд.

АКС аз манобеи боз

Июнь 19, 2021 11:58

Хабарҳои дигари ин бахш

Шумораи қурбониёни обхезӣ дар Чин ба 63 нафар расид
ЯК РӮЗ ДАР ТАЪРИХ. Расо 76 сол пеш дар Майдони сурхи Москва Расми гузашти таърихии Ғалаба ба ифтихори пирӯзии ИҶШС дар ҶБВ баргузор шуда буд
Дар СММ оид ба хатари баландтарини истифодаи силоҳи ҳастаӣ пас аз давраи ҷанги сард изҳор доштанд
Таҳқиқот: коронавирус ҳуҷайраҳои хуни касони беморшударо тағйир медиҳад
Меркел ҳамлаи Германияи фашистиро ба ИҶШС «мояи шармандагӣ» номид
Шабонарӯзи охир дар ҷаҳон зиёда аз 400 ҳазор ҳолати сирояти коронавирус ошкор шуд
ФАВРӢ! Гутерришро ба муҳлати дуввум дабири кулли СММ таъйин карданд
Шабонарӯзи охир дар ҷаҳон зиёда аз 385 ҳазор ҳолати сирояти коронавирус ошкор шуд
Шабонарӯзи охир дар ҷаҳон зиёда аз 397 ҳазор ҳолати сирояти коронавирус ошкор шуд
Шабонарӯзи охир дар ҷаҳон зиёда аз 370 ҳазор ҳолати сирояти коронавирус ошкор шуд
Дар Арабистони Саудӣ танҳо шахсони бо ваксинаҳои зидди коронавирус эмшуда метавонанд аз марказҳои тиҷоратӣ боздид намоянд
Сарони давлатҳои G7 оид ба мубориза бо пандемияҳои нав эъломия қабул карданд

Маводҳои таҳлилӣ