Дар Федератсияи иттифоқҳои касабаи мустақили Тоҷикистон оид ба ташкили самараноки истироҳати тобистонаи кӯдакону наврасон семинар-машварат доир шуд
ДУШАНБЕ, 19.06.2021 /АМИТ «Ховар»/. 18 июн дар Федератсияи иттифоқҳои касабаи мустақили Тоҷикистон семинар-машварати ҷумҳуриявӣ оид ба ташкили самараноки истироҳати тобистона ва солимгардонии кӯдакону наврасон дар истироҳатгоҳу фароғатгоҳҳои мамлакат баргузор гардид. Дар ин бора аз Федератсияи иттифоқҳои касабаи мустақили Тоҷикистон ба АМИТ «Ховар» иттилоъ доданд.
Дар кори семинар кормандони масъули вазорату идораҳои дахлдор, кумитаҳои соҳавии иттифоқҳои касабаи ҷумҳуриявӣ ва роҳбарони истироҳатгоҳҳои беруназшаҳрӣ иштирок намуданд.
Дар назди ҳозирин Раиси Федератсияи иттифоқҳои касабаи мустақили Тоҷикистон Маликшо Неъматзода оид ба анҷоми омодагиҳо ба ин маъракаи муҳим баромад намуда, аз ҷумла зикр кард, ки Федератсияи иттифоқҳои касаба дар ин маврид корҳои муайянро ба сомон расонидааст.
-Қабл аз ҳама фаъолияти кумитаҳои соҳавиро дар ин самт ҳамоҳанг сохта, якҷоя бо мақомоти давлатӣ ва идораҳои дахлдор ҷиҳати таъмин бо кадрҳои роҳбарикунандаи омӯзгорӣ, аз ҷумла сарварони истироҳатгоҳҳо, кадрҳои омӯзгорӣ, мураббиҳо, мутахассисони тиб, ошпазҳо, дастурдеҳони тарбияи ҷисмонӣ ва варзиш ҳамкорӣ намуда, ҳамчунин даъват ба амал овард, ки ифтитоҳи ҳама намудҳои истироҳатгоҳҳо танҳо дар асоси хулосаи мақомоти ваколатдори назорати давлаатии санитарию эпидемологӣ, аз ҷумла бо назардошти таҷзия аз бемории коронавируси COVID-19 ба амал бароварда шавад-афзуд Раиси ФИКМТ.
Сипас намояндагони Вазорати маориф ва илми Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба мавзӯи мавриди назар ибрози андеша карданд.
Мудири шуъбаи иқтисодӣ-иҷтимоӣ, робита бо ҷомеа ва муносибатҳои байналмилалии Федератсия Ҷамшед Юнусов оид ба тартиб, меъёрҳои санитарӣ-гигиенӣ ва беҳдоштию солимгардонӣ дар истироҳатгоҳҳои беруназшаҳрии ҷумҳурӣ дар мавсими тобистони соли 2021 ва мудири шуъбаи ҳифзи меҳнати Федератсия Акобир Қурбонов оид ба чорабиниҳои ҳифз ба бехатарии фаъолияти истироҳатгоҳҳои беруназшаҳрӣ дар мавсими тобистони соли 2021 маълумоти муфассал доданд.
Дар охир кори семинар-машварат натиҷагирӣ гашта, барои рафъи норасоиҳои ҷузъӣ ва барои фаъолияти муштарак дар тарҳи ташкили самараноки истироҳати тобистона ва солимгардонии кӯдакону наврасон дар истироҳатгоҳу фароғатгоҳҳо маслиҳатҳои муфид манзур карда шуданд.
АКС: ФИКМТ
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
