Дар Шӯрои Маҷлиси намояндагон лоиҳаи «Обтаъминкунӣ ва корези шаҳри Кӯлоб» мавриди баррасӣ қарор гирифт
ДУШАНБЕ, 07.06.2021 /АМИТ «Ховар»/. Имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода ҷаласаи навбатии Шӯрои Маҷлиси намояндагон баргузор гардид, ки дар он Созишномаи дастгирӣ байни мақомоти иҷроияи ҳокимияти давлатии шаҳри Кӯлоб ва Бонки Аврупоии Таҷдид ва Рушд оид ба лоиҳаи «Обтаъминкунӣ ва корези шаҳри Кӯлоб» мавриди баррасӣ қарор гирифт.
Тавре котиби матбуоти Маҷлиси намояндагон Муҳаммадато Султонов ба АМИТ «Ховар» иттилоъ дод раиси кумитаи Маҷлиси намояндагон оид ба масъалаҳои аграрӣ, захираҳои об ва замин Рустам Латифзода зимни баррасии Созишномаи мазкур иброз намуд, ки мақсади асосии лоиҳа сохтмон ва барқарорсозии обанборҳои мавҷуда, беҳтар гардонии сифат, безараргардонӣ ва бо оби тозаи нӯшокӣ таъмин намудани аҳолии шаҳри Кӯлоб мебошад.
Арзиши умумии лоиҳаи мазкур 15,0 млн евроро ташкил дода, аз он маблағҳои қарзӣ дар ҳаҷми 7,5 млн евро аз ҳисоби Бонки Аврупоии Таҷдид ва Рушд ва маблағҳои грантӣ дар ҳаҷми 7,5 млн евро аз ҳисоби Иттиҳоди Аврупо ҷудо мегардад.
Татбиқи лоиҳа аз аввали соли 2021 оғоз ёфта, анҷоми он соли 2024 ба нақша гирифта шудааст.
Тибқи моддаи 2-и Созишнома мақомоти иҷроияи ҳокимияти давлатии шаҳри Кӯлоб якчанд уҳдадориҳоро ҷиҳати дастгирии лоиҳа бояд иҷро намояд, аз ҷумла бе розигии хатти Бонк, амалҳое, ки боиси тағйир, бекоркунӣ, интиқол кардан ё бекор кардани Шартнома дар бораи пешниҳоди хидматҳои коммуналӣ ё ҳамагуна муқаррароти он шуда метавонанд, қабул накунад; вазифаҳои худро тибқи Созишномаҳои амалиётӣ иҷро намоянд; саривақт пардохтҳоро барои хизматрасониҳо ё ягон маблағи дигар, ки ба Корхонаи воҳиди давлатии “Хоҷагии манзилию коммуналӣ” ё Ташкилоти лоиҳавӣ вобаста аст, дар ҳолати зарурӣ пардохт намоянд, инчунин дигар уҳдадориҳое, ки дар муқаррароти Созишномаи мазкур дарҷ гардидаанд.
Бо Қарори Шӯрои МН МОҶТ аз 31 майи соли соли 2021 Созишнома барои хулоса ба кумитаи Мачлиси намояндагони Маҷлиси Олии Ҷумҳурии Тоҷикистон оид ба масъалаҳои аграрӣ, захираҳои об ва замин, кумитаҳои дигари Маҷлиси намояндагони Маҷлиси Олии Ҷумҳурии Тоҷикистон ва барои додани хулосаи ҳуқуқӣ ба раёсати ҳуқуқи Дастгоҳи Маҷлиси намояндагони Маҷлиси Олии Ҷумҳурии Тоҷикистон супорида шуда буд.
Созишномаи мазкур ба талаботи моддаҳои 57, 75-и Конститутсияи Ҷумҳурии Тоҷикистон ва моддаҳои 11, 12, 14-и Қонуни Ҷумҳурии Тоҷикистон «Дар бораи шартномаҳои байналмилалии Ҷумҳурии Тоҷикистон» мувофиқ буда, ба санадаҳои байналмилалӣ ҷавобгӯ мебошад.
АКС аз МН МОҶТ
Раиси Маҷлиси миллии Маҷлиси Олӣ Рустами Эмомалӣ дар ҷаласаи навбатии Шурои Ассамблеяи байнипарламентии ИДМ иштирок намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Санкт-Петербурги Русия шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо сафари корӣ ба шаҳри Санкт-Петербурги Русия рафтанд
Маҳмадтоир Зокирзода дар шаҳри Боку дар ҷаласаи ниҳодҳои парламентӣ иштирок намуд
«ПЕШВОИ САНГАРШИКАНИ МИЛЛАТСОЗ». Дар Душанбе китоби нав рӯнамоӣ гардид
«ЭЙ ВАТАН, БО ПЕШВОЯТ ЗИНДА БОШ!». Андешаҳо дар ҳошияи Рӯзи Президент
Дар Маҷлиси намояндагон бахшида ба Рӯзи Президент ҳамоиш баргузор шуд
Бахшида ба Соли маърифати ҳуқуқӣ дар Маҷлиси намояндагон ҳамоиш доир шуд
Қонуни Ҷумҳурии Тоҷикистон «Дар бораи соҳибкории иҷтимоӣ» қабул гардид
Дар Маҷлиси намояндагон ба якчанд қонуни Тоҷикистон тағйиру иловаҳо ворид намуданд
Вакилони Маҷлиси намояндагон дар ҷаласаи Комиссияи доимӣ оид ба буҷет ва банақшагирии Ассамблеяи парлумонии Осиё иштирок намуданд
«КОНСТИТУТСИЯИ ҶУМҲУРИИ ТОҶИКИСТОН-БАХТНОМАИ МИЛЛАТ». Дар Маҷлиси намояндагон ҳамоиши идона доир гардид
