Даври аввали Озмуни ҷумҳуриявии «Маданияти андозсупорӣ – баҳои бофарҳангии ҷомеа» ҷамъбаст гардид
ДУШАНБЕ, 24.06.2021 /АМИТ «Ховар»/. Даври аввали Озмуни ҷумҳуриявии «Маданияти андозсупорӣ – баҳои бофарҳангии ҷомеа» аз рўи ду номина — расми беҳтарин зери унвони «Андоз аз нигоҳи наврасон» барои хонандагони муассисаҳои таҳсилоти миёнаи умумӣ ва «Беҳтарин донандаи Кодекси андози Ҷумҳурии Тоҷикистон» барои донишҷўён, шаҳрвандон ва соҳибкорон ҷамъбаст гардид. Озмуни мазкур бо ташаббуси Кумитаи андози назди Ҳукумати Ҷумҳурии Тоҷикистон бахшида ба 30-солагии Истиқлоли давлатии Ҷумҳурии Тоҷикистон роҳандозӣ гардидааст.
Тавре аз Кумитаи андози мамлакат ба АМИТ «Ховар» иттилоъ доданд, озмун дар се давр доир гардида, даври якум дар шаҳру ноҳияҳои Вилояти Мухтори Кӯҳистони Бадахшон, вилоятҳои Суғду Хатлон, ноҳияҳои шаҳри Душанбе ва шаҳру ноҳияҳои тобеи ҷумҳурӣ то 15 июни соли равон доир гардид ва даври дуюми он дар шаҳру ноҳияҳои зикргардида то 15 августи соли равон доир мешавад.
Ҳамаи ғолибони даври дуюм ( ҷойҳои якум, дуюм ва сеюм) дар даври сеюм, ки то 15 октябри соли равон дар Кумитаи андози назди Ҳукумати Ҷумҳурии Тоҷикистон баргузор мегардад, иштирок менамоянд.
Бояд гуфт, ки барои дар сатҳи баланди касбӣ ва муташаккилона баргузор намудани озмун бо Фармоиши Раиси Кумитаи андози назди Ҳукумати Ҷумҳурии Тоҷикистон Низомномаи озмун ва ҳайати Комиссияи тадорукот иборат аз кормандони масъули Кумитаи андоз, вазоратҳои молия, маориф ва илм, фарҳанг, Кумитаи давлатии сармоягузорӣ ва идораи амволи давлатӣ ва Кумитаи кор бо ҷавонон ва варзиш таъсис дода шудааст.
АКС: Кумитаи андози назди Ҳукумати Ҷумҳурии Тоҷикистон
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Сарвазири мамлакат Қоҳир Расулзода дар шаҳри Кӯлоб бо корҳои сохтмонӣ ва соҳилмустаҳкамкунӣ шинос гардид
Бахшида ба 10-солагии мақоми шаҳрро касб намудани Ҳисор ҳамоиш баргузор гардид
Оид ба рушди индустриалӣ-аграрии Тоҷикистон конференсия баргузор гардид
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Бахшида ба 35-солагии Истиқлоли давлатӣ дар деҳаи Мадми ноҳияи Айнӣ муассисаи таҳсилоти миёнаи умумии №20 бунёд карда мешавад
«ЭМОМАЛӢ РАҲМОН — АБАРМАРДИ ТАЪРИХСОЗ». Таҳти ин унвон Озмуни ҷумҳуриявии «Мақолаи беҳтарин» баргузор мегардад
СОЛИ ОБОДОНИЮ СОЗАНДАГӢ. Дар Хоруғ озмунҳои шаҳрӣ ва иқдоми бунёдкорӣ гузаронида мешаванд
Дар ноҳияи Мастчоҳ 200 иншооти таъйиноти гуногун бунёд карда мешавад
Дар шаҳри Ҳисор лоиҳаи бунёди мактабҳои нав муаррифӣ гардид
