Директори генералии СУТ даъват кард, ки ба пандемияҳои нав омодагӣ гирифта шавад
ДУШАНБЕ, 29.06.2021./АМИТ «Ховар»/. Ҷомеаи ҷаҳонӣ бояд сабақҳои пандемияи кунунии коронавирусро ба инобат бигирад ва ба эпидемия ва уфунатҳои фарогири нав омода шавад. Дар ин бора дирӯз, 28 июн директори генералии Созмони умумиҷаҳонии тандурустӣ Тедрос Аданом Гебрейесус изҳор дошт, хабар медиҳад АМИТ «Ховар» бо истинод ба ТАСС.
Зимни суханронӣ аз тариқи иртиботи телекоммуникатсионӣ ба иштирокчиёни ҳамоиши тандурустии давлатҳои воқеъ дар ҷазираҳои хурд ӯ қайд кард: «Мо ҳама бояд сабақҳоеро, ки пандемия ба мо медиҳад, биомӯзем». Тавре роҳбари СУТ таъкид кард, бояд «барои омодагӣ ба эпидемияҳо ва пандемияи нави эҳтимолӣ, пешгирӣ, ошкор кардан ва вокуниши сареъ нисбати онҳо дар заминаи фарогирии ҳамагонии тандурустии умумиҷаҳонӣ ва кумаки неруманди аввалияи тиббӣ ҳама корҳои имконпазир анҷом дода шаванд».
Гебрейесус дар бораи пандемияи COVID-19 сухан ронда, таваҷҷуҳро ба “нобаробарии ваксинавӣ ва миллатгароии ваксинавӣ” ҷалб кард, ки ба асари он “ҷудоӣ байни кишварҳои дорои даромади баланд ва паст” зиёдтар мешавад. Ба гуфтаи ӯ, 77% тамоми эмгузарониҳо алайҳи коронавирус ҳоло танҳо ба 10 кишвари ҷаҳон рост меоянд. Дар ҳамин ҳол, аксарияти кишварҳои камдаромад «то ҳол ваксинаи кофӣ надоранд, то эмгузаронии аҳолии осебпазир ва зери хатар қарор доштаро таъмин кунанд».
“Агар кишварҳо фавран ваксинаҳоро бо механизми COVAX мубодила кунанд ва агар истеҳсолкунандагон фармоишҳои COVAX-ро дар мадди аввал гузоранд, пас мо метавонем на камтар аз 10% аҳолии ҳар кишварро то моҳи сентябр ва на камтар аз 40% -ро то охири сол эм кунем”, — гуфт директори генералӣ. Вай хотиррасон кард, ки то моҳи сентябр бояд “ба таври иловагӣ 250 миллион вояи ваксина” пайдо карда шавад.
СУТ ба механизми COVAX аҳамияти калон медиҳад. Тибқи шартҳои барнома, кишварҳои дорои даромади баланд маблағи хариди ваксинаҳоро барои кишварҳое, ки даромади онҳо ба ҳар сари аҳолӣ камтар аст, пардохт мекунанд. Қарор аст, ки дар чаҳорчӯбаи ин механизм, то охири соли 2021 2 миллиард вояи ваксинаи зидди коронавирус истеҳсол ва дар саросари ҷаҳон баробар тақсим карда шавад.
АКС: Dixinews
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
