Мақомоти корҳои дохилии вилояти Суғд амалиёти «Маданияти шаҳрдорӣ» мегузаронад
ДУШАНБЕ, 25.06.2021 /АМИТ «Ховар»/. Шурӯъ аз 17 июн дар шаҳру ноҳияҳои вилояти Суғд бо ташаббуси мақомоти корҳои дохилӣ амалиёти «Маданияти шаҳрдорӣ» ҷараён дорад, ки он то 27 июн идома меёбад. Кормандони шуъбаи ҳифзи тартиботи ҷамъиятии Раёсати ВКД дар вилояти Суғд дар доираи талаботи амалиёти мазкур ҷиҳати тарғиби одоби шаҳрнишинӣ, таъмини тартиботи ҷамъиятӣ, баланд бардоштани маърифати ҳуқуқуқии шаҳрвандон ва пешгирӣ аз кирдорҳои зиддиҳуқуқӣ ба минтақаҳо сафарбар гардида, дар байни аҳолӣ корҳои фаҳмонидадиҳӣ мегузаронанд.
Дар ин бора аз Вазорати корҳои дохилӣ ба АМИТ «Ховар» хабар доданд.
Тибқи иттилои манбаъ, 22 июн ҳамин гуна корбарии мақсаднок дар ҳудуди маъмурии маҳаллаи 8-и шаҳри Хуҷанд баргузор карда шуд. Аз ҷониби кормандон дар биноҳои баландошёна, майдону толорҳои варзишӣ, нуқтаҳои истироҳатӣ, марказҳои савдою хизматрасонӣ санҷишҳои профилактикӣ доир карда шуд. Ҷанбаи фарқкунандаи марҳилаи навбатии амалиёти маданияти шаҳрдорӣ, ки ташаббускори он милитсия мебошад дар он аст, ки бе таъсиррасонии ҳуқуқӣ мегузарад. Яъне нисбат ба ҳуқуқвайронкунанда протокол тартиб дода нашуда, танҳо корҳои фаҳмонидадиҳӣ гузаронида мешавад.
Дар маҳаллаи 8-уми шаҳри Хуҷанд мавзӯи суҳбат бо аҳолӣ паҳлӯҳои гуногуни ҳаёти рӯзмарраро фаро гирифт. Насли калонсол оид ба унсурҳои халалрасонанда ба тартиботи ҷамиятӣ ва роҳҳои пешгирии он, маданияти шаҳрдорӣ, одоби ҳамсоядорӣ, риояи қоидаҳои буду бош бо милитсия суҳбат карданд. Дар байни ҷавонон тарзи ҳаёти солим тарғиб гардида, таваҷҷӯҳи асосӣ ба интихоби дурусти пайроҳаи зиндагӣ дода шуд. Машғул нашудан ба оворагардӣ ва самранок истифода бурдани давраи таътили тобистона дар мулоқот бо наврасон матраҳ гардид.
Ёдрас мешавем, ки амалиёти «Маданияти шаҳрдорӣ» бо ҷалби сохтору идораҳои давлатӣ ва фаъолони маҳал ҷараён дорад. Ҳадафи асосии чорабинӣ пешгирӣ аз кирдорҳои зиддиҳуқуқуқӣ, муноқишаҳои оилавӣ ва унсурҳои бегонапарастӣ, риояи қонунҳои амалкунанда ва муҳимтар аз ҳама тақвият бахшидани ҳамкории милитсия бо ҷомеа мебошад, ки аз талаботи асосии амалисозандаи раванди ислоҳоти милитсия маҳсуб меёбад.
АКСҲО: ВКД ҶТ
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
