Масъалаи омодагӣ ба вохӯрии роҳбарони мақомоти сайёҳии кишварҳои аъзои СҲШ дар Душанбе баррасӣ гардид
ДУШАНБЕ, 25.06.2021/АМИТ «Ховар»/. Дар ҷаласаи Кумитаи тадорукотӣ, ки имрӯз дар Душанбе таҳти раёсати муовини Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муъминзод бо иштироки намояндагони вазорату идораҳои марбутаи мамлакат баргузор гардид, масъалаи омодагиҳо ба вохӯрии роҳбарони мақомоти сайёҳии давлатҳои аъзои Созмони Ҳамкории Шанхай /СҲШ/ баррасӣ шуд.
Тавре хабарнигори АМИТ «Ховар» иттилоъ медиҳад, дар ҷаласаи мазкур муовини Раиси Кумитаи рушди сайёҳӣ Камолиддин Муъминзод изҳор дошт, ки бо мақсади дар сатҳи баланд гузаронидани вохӯрии роҳбарони мақомоти сайёҳии давлатҳои аъзои СҲШ ва Форуми сайёҳӣ Кумита дар ҳамкорӣ бо вазорату идораҳои марбута нақша-чорабиниҳоро таҳррезӣ намудааст.
Ёдовар мешавем, ки 15-16 июли соли равон дар Душанбе вохӯрии роҳбарони мақомоти сайёҳии давлатҳои аъзои Созмони ҳамкории Шанхай (СҲШ) дар назар дошта шудааст, ки дар доираи он баргузории Форуми сайёҳии СҲШ ва Фестивали хӯрокҳои миллии давлатҳои аъзои СҲШ пешбинӣ шудааст.
Тибқи иттилои масъулин, рӯзи аввал — 15 июл дар Китобхонаи миллии Тоҷикистон вохӯрии мақомоти сайёҳии давлатҳои аъзои Созмони ҳамкории Шанхай (СҲШ) баргузор мегардад.
Нимаи дуюми ҳаминин рӯз дар Китобхонаи миллӣ бо иштироки зиёда аз 200 нафар Форуми сайёҳии СҲШ ба кори худ оғоз менамояд.
Рӯзи дуюм -16 июл дар Боғи «Ирам» бо иштироки меҳмонони вохӯрии мазкур Фестивали хӯрокҳои миллии давлатҳои аъзои СҲШ баргузор мегардад.
Ҳамчунин дар Боғи «Ирам» аз ҷониби Вазораи фарҳанги Ҷумҳурии Тоҷикситон барои иштирокдорони Фестивали хӯрокҳои миллии давлатҳои аъзои СҲШ барномаи фарҳангӣ пешниҳод мешавад.
Иштирокдорони вохӯрии мақомоти сайёҳии давлатҳои аъзои Созмони ҳамкории Шанхай ҳамчунин дар ин рӯз ба тамошои Қаълаи Ҳисор мераванд.
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Дар Душанбе рушди бозори меҳнат дар шароити иқтисоди «сабз» баррасӣ шуд
Омӯзгорони Донишгоҳи байналмилалии сайёҳӣ ва соҳибкории Тоҷикистон соҳиби сертификати байналмилалӣ гардиданд
Ҳайати омӯзгорони Донишгоҳи байналмилалии сайёҳӣ ва соҳибкории Тоҷикистон бо роҳбарияти Донишгоҳи Ситии Малайзия мулоқот намуд
Намояндагони Донишгоҳи байналмилалии сайёҳӣ ва соҳибкорӣ дар Малайзия вобаста ба омоданамоии кадрҳои баландихтисос вохӯрӣ намуданд
Дар Тоҷикистон оид ба рушди сайёҳии кишоварзӣ вохӯрӣ доир шуд
Дар Кумитаи рушди сайёҳӣ барномаи 3D-и «Аҷинатеппа» муаррифӣ гардид
Омӯзгорони Донишгоҳи байналмилалии сайёҳӣ ва соҳибкории Тоҷикистон ва Донишгоҳи Линии Чин табодули таҷриба менамоянд
«TOURIST MAP TAJIKISTAN». Он барои ба сайёҳон муаррифӣ намудани мавзеъҳои Тоҷикистон таҳия гардид
Бахшида ба 30-солагии Ҳизби Халқии Демократии Тоҷикистон дар Кумитаи рушди сайёҳӣ ҳамоиш доир гардид
Партитураи Суруди Созмони ҳамкории Шанхай ба Котиботи СҲШ дар Пекин тақдим гардид
Вобаста ба рушди соҳаи сайёҳӣ ва ҳунарҳои мардумӣ ҷаласаи ҷумҳуриявӣ баргузор шуд
