Меркел ҳамлаи Германияи фашистиро ба ИҶШС «мояи шармандагӣ» номид

Июнь 21, 2021 09:32

ДУШАНБЕ, 21.06.2021/АМИТ «Ховар»/. Ҷумҳурии Федеративии Германия  масъулияти доимии худро барои ҷиноятҳои вобаста ба ҳамлаи Германияи фашистӣ ба Иттиҳоди Шӯравӣ 22 июни 1941 эътироф мекунад. Тавре АМИТ «Ховар» бо истинод ба «Мавҷи Германия» (Deutsche Welle (DW) иттилоъ медиҳад, дар ин бора канслери Германия Ангела Меркел дар зернавишти видеои худ, ки рӯзи шанбеи 19 июн интишор ёфтааст, изҳор доштааст. Ин муроҷиатнома ба 80-умин солгарди ҳуҷум ба ИҶШС  бахшида шудааст.

«Барои мо, немисҳо, ин мояи шармандагӣ аст» — таъкид кардааст сарвари ҳукумати Германия. Миллионҳо одамон, хусусан дар қаламравҳое, ки имрӯз марбути Россия, Украина ва Белорус, инчунин кишварҳои Балтика мебошанд, ҳалок шуданд, — зикр  кардааст вай. -Набояд фаромӯш кард, ки «мо — дар назди миллионҳо қурбониён ва наслҳои онҳо қарздор ҳастем», -илова кардааст канслер.

Дар ҳамин ҳол, канслери федералӣ ёдовар шудааст, ки  сарфи назар аз ҳодисаҳои даҳшатноки ҷанг — бисёриҳо ба Берлин дасти оштӣ дароз карданд. Германия  барои ин миннатдории амиқро  ҳис мекунад, илова кардааст вай.

Ангела Меркел сиёсати Президенти Иттиҳоди Шӯравӣ Михаил Горбачёвро ба таври хос зикр кардааст, ки ба шарофати он Германия  дар соли 1990 тавонист бо роҳи осоишта муттаҳид шавад ва аз он вақт равобити шаҳрвандиро байни ду кишвар рушд диҳад.

Канслери Германия  дар зернавишти видеоии худ ба рӯйдодҳои чанде пештар дар фазои пасошӯравӣ низ дахл кардааст. Вай бо таассуфи зиёд гуфтааст, ки «фаъолияти ҷомеаи шаҳрвандӣ дар Россия, инчунин дар Беларус вақтҳои охир маҳдуд карда шудааст — гузашта аз ин, ғайриимкон шудааст».

«Вақте ки тазоҳургарони осоишта ва намояндагони номатлуби оппозисиюн (ба мақомот — шарҳи АМИТ «Ховар»)  паси панҷара меафтанд, ин дар муносибатҳои мо таъсири сангин мегузорад», — иброз  доштааст сарвари ҳукумати Германия. Ба гуфтаи вай, ғасби Қрим аз сӯи Россия ва дастгирии ҷудоихоҳон дар шарқи Украина — нақзи ҳуқуқи байналмилалӣ мебошад. Меркел мутмаин аст, ки ин барои Германия  ва инчунин барои тамоми Иттиҳоди Аврупо қобили қабул нест.

Дар ҳамин ҳол, канслер таъкид кардааст, ки Федератсияи Россия ва Германия  аз ҷиҳати таърихӣ, иҷтимоӣ ва иқтисодӣ бо ҳам вобастагӣ доранд. «Барои мо, чун пештара, муколама бо Россия зарур аст», — хулоса кардааст Ангела Меркел.

80 сол пеш, қӯшунҳои вермахт ба қаламрави Иттиҳоди Шӯравӣ ҳамла карданд ва яке аз ҷангҳои миқёсан бузургтаринро дар таърихи башарият оғоз бахшиданд. Коршинос оид ба таърихи Аврупои Шарқӣ Франк Голчевский пештар зик намуда  буд, ки ҷанг бо ИҶШС  он замон барои аксар олмлниҳо  ҳодисаи ногаҳонӣ буд.

                                                                                            АКСИ: Reurers

Июнь 21, 2021 09:32

Хабарҳои дигари ин бахш

Шумораи қурбониёни обхезӣ дар Чин ба 63 нафар расид
ЯК РӮЗ ДАР ТАЪРИХ. Расо 76 сол пеш дар Майдони сурхи Москва Расми гузашти таърихии Ғалаба ба ифтихори пирӯзии ИҶШС дар ҶБВ баргузор шуда буд
Дар СММ оид ба хатари баландтарини истифодаи силоҳи ҳастаӣ пас аз давраи ҷанги сард изҳор доштанд
Таҳқиқот: коронавирус ҳуҷайраҳои хуни касони беморшударо тағйир медиҳад
Дар Эрон номи президенти навро эълом карданд
Шабонарӯзи охир дар ҷаҳон зиёда аз 400 ҳазор ҳолати сирояти коронавирус ошкор шуд
ФАВРӢ! Гутерришро ба муҳлати дуввум дабири кулли СММ таъйин карданд
Шабонарӯзи охир дар ҷаҳон зиёда аз 385 ҳазор ҳолати сирояти коронавирус ошкор шуд
Шабонарӯзи охир дар ҷаҳон зиёда аз 397 ҳазор ҳолати сирояти коронавирус ошкор шуд
Шабонарӯзи охир дар ҷаҳон зиёда аз 370 ҳазор ҳолати сирояти коронавирус ошкор шуд
Дар Арабистони Саудӣ танҳо шахсони бо ваксинаҳои зидди коронавирус эмшуда метавонанд аз марказҳои тиҷоратӣ боздид намоянд
Сарони давлатҳои G7 оид ба мубориза бо пандемияҳои нав эъломия қабул карданд

Маводҳои таҳлилӣ