СААД омода аст бо дарназардошти вазъ дар марз бо Афғонистон ба Тоҷикистон кумак кунад
ДУШАНБЕ, 29.06.2021./АМИТ «Ховар»/. СААД дар ҳолати зарурӣ ба Тоҷикистон тамоми кумакҳои заруриро вобаста ба вазъ дар марз бо Афғонистон мерасонад. Тибқи иттилои РИА «Новости», дар ин бора котиби матбуотии Созмон Владимир Зайнетдинов хабар додааст.
«Ба Тоҷикистон аз тарафи СААД, дар сурати муроҷиати он, тамоми кумакҳои зарурӣ, ки он дархост мекунад ва дар аҳдномаи амнияти дастаҷамъӣ ва Оинномаи СААД пешбинӣ шудаанд, ба шумули кумаки сиёсӣ, низомӣ ва низомӣ-техникӣ расонида хоҳанд шуд», — иқтибос овардааст РИА «Новости» суханони Зайнетдиновро.
Ба гуфтаи вай, ҳоло Тоҷикистон дар иртибот бо вазъияте, ки дар ҳудуди Афғонистон дар наздикии марзи ҷумҳурӣ ба вуҷуд омадааст, ба СААД муроҷиат накардааст. Инчунин вай шарҳ дод, ки рӯзи душанбеи 28 июн Тоҷикистон ба СААД дар бораи вазъ дар ҳудуди Афғонистон малумот пешниҳод кард.
Инчунин маълум шуд, ки рӯзҳои наздик Дабири кулли СААД Станислав Зас оид ба масъалаи ташаннуҷ дар марз озими Тоҷикистон хоҳад шуд, хабар медиҳад РИА “Новости”. Хотиррасон мекунем, ки соли равон Ҷумҳурии Тоҷикистон раёсати СААД-ро ба дӯш дорад.
Тавре АМИТ “Ховар” пештар бо истинод ба маркази матбуоти Қӯшунҳои сарҳадии Кумитаи давлатии амнияти миллии Тоҷикистон хабар дода буд, 21 июн як гурӯҳи мусаллаҳи ҳаракати “Толибон” (мамнӯъ дар Тоҷикистон) ба комиссариати марзии “Бандари Шерхон”-и вилояти Кундузи Афғонистон ҳамла кард.
Дар натиҷаи задухӯрди мусаллаҳона, 134 нафар хизматчиёни ҳарбии ҳукумати ҶИА маҷбур шуданд, ки тавассути дидбонгоҳҳои 3 ва 4-уми дастаи сарҳадии Панҷ ба қаламрави Ҷумҳурии Тоҷикистон ақибнишинӣ кунанд. Дар байни хизматчиёни ҳарбии ҶИА — 4 нафар захмӣ ва 1 нафар ҳалокшуда низ буданд. Теъдоди умумии маҷрӯҳон, ҳалокшудагон ва асирон дар ҳудуди “Бандари Шерхон” то 100 нафарро ташкил медиҳад.
Субҳи 27 июни соли 2021 як гурӯҳи мусаллаҳи Ҳаракати “Толибон” ба нуқтаи сарҳадии ҶИА, воқеъ дар мавзеъи Чукчук, вулусволии Калдори вилояти Балхи Ҷумҳурии Исломии Афғонистон ҳамла кард. Дар натиҷаи задухӯрди шадид 17 хизматчии ҳарбии неруҳои ҳукуматии ҶИА барои наҷоти ҷон ва ҳайати шахсӣ маҷбур шуданд аз тариқи дибонгоҳи 1-уми дастаи сарҳадии Шаҳритус ба қаламрави Ҷумҳурии Тоҷикистон ақибнишинӣ кунанд.
Мутобиқи изҳороти маркази матбуоти Қӯшунҳои сарҳадии Кумитаи давлатии амнияти миллии Тоҷикистон, вазъ дар хатти сарҳад байни Ҷумҳурии Тоҷикистон ва ҶИА пуршиддат арзёбӣ мешавад, амалиётҳои ҳарби байни ҷангҷӯёни “Толибон” ва неруҳои ҳукуматии ҶИА идома доранд.
Акс аз манбаъҳои боз
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
