Сарони давлатҳои G7 оид ба мубориза бо пандемияҳои нав эъломия қабул карданд

Июнь 14, 2021 11:10

ДУШАНБЕ, 14.06.2021 /АМИТ «Ховар»/. Сарони давлатҳои Ҳафтгонаи бузург (G7) дар саммите, ки дар Британияи Кабир сурат гирифт, Эъломияи Карбис-Бей дар бораи саломатиро қабул карданд, ки дар он ваъда медиҳанд, ки барои пешгирии пандемияҳои харобиовари нав дар оянда ҳамкорӣ хоҳанд кард. Дар ин бора агентии ТАСС бо истинод ба санаде, ки пас аз саммити G7 интишор шуд, хабар медиҳад.

Дар муҳокимаҳои санад ба ҷуз сарони Британияи Кабир, Германия, Италия, Канада, ИМА, Франсия ва Япония, инчунин роҳбарони Австралия, Ҳиндустон, Ҷумҳурии Корея ва Африқои Ҷанубӣ низ, ки ба саммит даъват шуда буданд, ширкат варзиданд.

Санади тасдиқшуда чораҳо оид ба мубориза бо пандемияҳои нав, ба монанди паҳншавии кунунии коронавирусро дар бар мегирад.

Муқаррароти асосии эъломия ваъдаи сарони давлатҳои G7 мебошад, ки вақти эҷоди ваксинаҳо алайҳи бемориҳои сироятии нав, аз ҷумла таҳия ва иҷозатномадиҳиро то 100 рӯз кам мекунад.

Дар ҷаласа таъкид карда шуд, ки маҳз ин 100 рӯзи аввал аз лаҳзаи ошкор шудани таҳдиди эпидемикӣ барои тағйир додани самти он ва пешгирӣ аз пандемия гардидани вазъ аҳамияти ҳалкунанда доранд.

АКС аз  france24.com

Июнь 14, 2021 11:10

Хабарҳои дигари ин бахш

Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид