Сулаймон Султонзода дар иҷлосияи махсуси Маҷмаи Умумии Созмони Милали Муттаҳид тариқи маҷозӣ иштирок намуд
ДУШАНБЕ, 07.06.2021 /АМИТ «Ховар»/. Ҷумҳурии Тоҷикистон дар самти таъмини иҷрои талаботи санадҳои ҳуқуқии байналмиллалӣ фаъолона ширкат намуда, дар ин замина ба дастовардҳои намунавӣ ноил гардидааст. Ҳамзамон давра ба давра таъмин гардидани иҷрои уҳдадориҳои байналмилалӣ вобаста ба масоили коррупсия аз ҷониби Ҷумҳурии Тоҷикистон далели возеҳи ҳамрадифи ҷомеаи ҷаҳонӣ будани кишвари моро собит месозад. Ин нуктаро директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода зимни баргузории иҷлосияи махсуси Маҷмаи Умумии Созмони Милали Муттаҳид, ки тариқи маҷозӣ (онлайн) баргузор шуд, баён намуд.
Тавре аз маркази матбуоти Агентии назорати давлатии молиявӣ ва мубориза бо коррупсия ба АМИТ «Ховар» хабар доданд, иҷлосияи мазкур аз 2 то 4 июни соли равон дар шаҳри Ню-Йорки Иёлоти Муттаҳидаи Америка баргузор гардид ва дар он директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода дар атрофи сиёсати давлатии зиддикоррупсионӣ ва дастовардҳо дар ин самт суханронӣ намуд.
Зикр гардид, ки Ҷумҳурии Тоҷикистон минбаъд низ оид ба воқеан татбиқ гардидани санадҳои ҳуқуқии байналмилалӣ дар ҳамкорӣ бо ташкилотҳои бонуфузи минтақавӣ ва байналмилалӣ аз тамоми имкониятҳо истифода менамояд.
Ҷаласа дар маҷмӯъ, дар сатҳи баланд ва ҳамдигарфаҳмӣ сурат гирифт ва умед аст, ки қарори дар он қабулгардида ҷиҳати шаффофияти муқовимат ба коррупсия мусоидат хоҳад кард.
АКСҲО аз маркази матбуоти Агентӣ
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
