«Тоҷикистон — Ӯзбекистон: дар масири дӯстӣ ва созандагӣ»-таҳти ин унвон дар Осорхонаи миллии Тоҷикистон намоишгоҳ ифтитоҳ гардид
ДУШАНБЕ, 09.06.2021. /АМИТ «Ховар»/. Имрӯз дар Муассисаи давлатии «Осорхонаи миллии Тоҷикистон» бахшида ба ташрифи навбатии меҳмони олиқадр Президенти Ҷумҳурии Ӯзбекистон муҳтарам Шавкат Мирзиёев намоишгоҳ дар мавзӯи «Тоҷикистон — Ӯзбекистон: дар масири дӯстӣ ва созандагӣ» ифтитоҳ гардид. Намоиши мазкур то 20 июни соли равон идома меёбад. Дар ифтитоҳи он роҳбарият ва кормандони Осорхонаи миллии Тоҷикистон, намояндагони Вазорати фарҳанги Ҷумҳурии Тоҷикистон, Донишкадаи давлатии санъати тасвирӣ ва дизайни Тоҷикистон, Иттифоқи нависандагони Тоҷикистон, Сафорати Ҷумҳурии Ӯзбекистон дар Ҷумҳурии Тоҷикистон иштирок ва суханронӣ намуданд.
Дар ин бора сардори шуъбаи экскурсионӣ ва оммавии Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон Фаридун Кенҷаев ба АМИТ «Ховар» хабар дод.
Директори Осорхонаи миллии Тоҷикистон Аҳлиддин Ибодуллозода зикр намуд, ки «мо аҳли фарҳанг анъанаи неки ниёгонро идома дода, фарҳанг ва урфу одатҳои халқҳоямонро омӯхта, ҷиҳати бештар наздик сохтани онҳо дар заминаи арзишҳои нек ва созанда чорабиниҳои илмӣ, фарҳангӣ ва адабӣ доир намуда, дастовард ва арзишҳоеро, ки халқҳои тоҷику ӯзбек тӯли асрҳо сохтаанд, ҳифз ва муаррифӣ менамоем».
Ҳамзамон дар намоиш аз фонди Осорхонаи миллии Тоҷикистон як қатор экспонатҳои нодир: мусаввараву нимпайкараҳо, китобу аксҳо, гулдону армуғонҳо ва қолинҳои дастбоф пешниҳод шудаанд, ки аз дастовардҳои ин ду халқи таърихӣ дар масири дӯстӣ ва созандагӣ қисса мекунанд.
«Воқеан дӯстию бародарӣ дар давраи ба истиқлолу озодӣ расидани ҷумҳуриҳои Тоҷикистон ва Ӯзбекистон сатҳи сифатан нав касб намуд. Хосатан дар ин ҷода саҳми роҳбарони ду кишвар- Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Мирзиёев Шавкат Мирамонович хеле бузург аст. Бинобар ин, дар оғози намоиш тавассути аксҳо дастовардҳои солҳои охир дар ин самт ноилгардида муаррифӣ шудаанд»- тазаккур дод Аҳлиддин Ибодуллозода.
Дар қисмати дигари намоиш як қатор армуғонҳо, аз қабили лаълӣ бо нақшу нигори шарқӣ, амсилаи Регистони Самарқанд, миниатюраи шарқӣ дар чӯб, ки аз ҷониби Роҳбарияти Олии Ҷумҳурии Ӯзбекистон ба Президенти Ҷумҳурии Тоҷикистон муҳтарам Эмомалӣ Раҳмон ва Сарвазири Ҷумҳурии Тоҷикистон Оқилов Оқил Ғайбуллоевич (солҳои 1999-2013) туҳфа гардидаанд, ба намоиш бароварда шудаанд.
Инчунин дар намоиш мавзеъҳои таърихии Тоҷикистону Ӯзбекистон тавассути мусаввара ва китобу маҷаллаҳо инъикос ёфта, дар маркази намоиш пайкараи дӯстон — намояндагони адабиёти ин ду миллат, устоду шогирд Мавлоно Абдураҳмони Ҷомӣ ва Мир Алишер Навоӣ пешниҳоди тамошобинон гардид.
АКСҲО аз Осорхонаи миллии Тоҷикистон
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
Академик Фарҳод Раҳимӣ: «Бунёди Маҷмааи эҳёи хотираи таърихӣ ва таҳкими ҳувияти миллӣ дар Душанбе аҳамияти бузурги сиёсӣ, иҷтимоӣ, фарҳангӣ ва маънавӣ дорад»
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
ПЕШВОИ МИЛЛАТ — ЭҲЁГАРИ НАВРӮЗ. Пас аз Истиқлоли давлатии Тоҷикистон Наврӯз дар сатҳи байналмилалӣ ҷойгоҳ пайдо намуд
Соли 2025 — соли афзоиши устувори истифодабарандагон ва тақвияти нуфузи АМИТ «Ховар» дар фазои рақамӣ
Дар Тоҷикистон охири моҳи январ ҷашни Сада таҷлил мегардад
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихию фарҳангӣ маъракаи тозагӣ, ободонӣ ва ниҳолшинонӣ идома дорад
«КАДБОНУИ БЕҲТАРИН». Моҳи апрел дар Тоҷикистон озмуни ҷумҳуриявӣ баргузор мешавад
