Абдуҳалим Шукуров ғолиби озмуни «Донишҷӯи навовар – 2020» гардид
ДУШАНБЕ, 14.07.2021 /АМИТ «Ховар»/. Бахшида ба эълон гардидани Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф, инчунин тавсеи тафаккури техникии насли наврасу ҷавон Донишгоҳи миллии Тоҷикистон озмуни «Донишҷӯи навовар – 2020» баргузор намуд, ки донишҷӯи курси 3-юми факултети химия Абдуҳалим Шукуров сазовори ҷойи аввал, дипломи дараҷаи I ва маблағи 2000 сомонӣ, донишҷӯи курси 3-юми факултети механикаю математика Зиёвуддини Маҳмадалӣ соҳиби ҷойи дуюм, дипломи дараҷаи II ва 1500 сомонӣ ва магистрантони факултети фалсафа Алишер Гардоншоева ва Адиба Нурматова сазовори ҷойи сеюм, дипломи дараҷаи III ва 1000 cомонӣ гардиданд. Дар ин бора ба АМИТ «Ховар» аз Донишгоҳи миллии Тоҷикистон иттилоъ доданд.
Озмуни «Донишҷӯи навовар – 2020» бо мақсади баланд бардоштани фаъолияти илмию таълимӣ ва амалии хонандагони литсей, донишҷӯён, магистрантон, унвонҷӯён ва аспирантони ДМТ, ки хусусияти инноватсионӣ дорад, тақвият додани омодагии касбии онҳо бо назардошти талаботи бозори меҳнат ва баланд бардоштани иқтидори ДМТ, инчунин ҷалб намудани муҳассилини донишгоҳ ба ҳалли масоили рушди илмиву таълимӣ ва иҷтимоиву иқтисодии Тоҷикистон доир гардид.
Мавриди зикр аст, ки озмуни мазкур бо дастгирии роҳбарияти донишгоҳ ва ташаббуси бахши идоракунии лоиҳаҳои донишгоҳ дар доираи лоиҳаи «Беҳтар намудани ҷараёни таълим ва васеъ кардани имкониятҳои (ба кор таъминкунии) хатмкунандагон» гузаронида шуд.
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
