Дар Шаҳритус посгоҳи марзии Қӯшунҳои сарҳадии КДАМ Тоҷикистон ба истифода дода шуд
ДУШАНБЕ, 31.07.2021 /АМИТ «Ховар»/. 30 июл дар доираи ҳамкории ҳукуматҳои Тоҷикистон ва Иёлоти Муттаҳидаи Амрико дар ноҳияи Шаҳритуси вилояти Хатлон посгоҳи марзии Қӯшунҳои сарҳадии Кумитаи давлатии амнияти миллӣ (КДАМ) ба истифода дода шуд.
Дар маросими баистифодадиҳии посгоҳи марзӣ муовини Фармондеҳи Қӯшунҳои сарҳадии КДАМ Раҷаб Саодатзода ва кордори Сафорати ИМА Ҷон Гинкел ширкат варзиданд.
Ин посгоҳи марзӣ, ки бо маблағи 570,000 доллари ИМА таъмиру бозсозӣ шудааст, барои Қӯшунҳои сарҳадӣ имконоти иловагӣ ҷиҳати назорат ва посбонии марз бо Афғонистонро дар ноҳияи Шаҳритуси вилояти Хатлон фароҳам меорад.
Иншооти мазкур иқтидори Қӯшунҳои сарҳадиро барои пайгирӣ ва пешгирии вайронкунии марзҳо (тақрибан 15-20 километр) ва муқовимат бо таҳдидҳои фаромиллӣ, аз ҷумла қочоқи маводи мухаддир, қочоқ ва ифротгароии зӯроварӣ, ба таври назаррас баланд мебардорад.
Бояд тазаккур дод, ки ИМА ҷонибдори шарикӣ бо Тоҷикистон барои дастгирии соҳибихтиёрӣ, амният ва нақши он дар ҳифзи сулҳ ва шукуфоии дарозмуддат дар Афғонистон мебошад. Аз соли 2007 инҷониб Барномаи мубориза бар зидди маводи мухаддири Дафтари Ҳамкориҳои Ҳарбӣ ба Тоҷикистон ба маблағи беш аз 155 миллион доллар, аз ҷумла барои таҷдид ё сохтмони якчанд посгоҳҳои марзӣ, кумак расонидааст.
Иёлоти Муттаҳида дар тӯли 30 соли ҳамкорӣ бо Тоҷикистон тавассути барномаҳое, ки бахши хусусӣ, кишоварзӣ, тандурустӣ, маориф, ниҳодҳои демократӣ ва амнияти Тоҷикистонро дастгирӣ мекунанд, ба маблағи беш аз 1,8 миллиард доллар кумак кардааст.
АКС: Сафорати ИМА дар Тоҷикистон
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
