Дар Тоҷикистон 15 кабинети адвокатӣ ба қайд гирифта шудааст

Июль 12, 2021 14:00

ДУШАНБЕ, 12.07.2021 /АМИТ «Ховар»/. Соли  равон дар ҷумҳурӣ 15 кабинети адвокатӣ ба қайд гирифта шудаанд, ки 9 адад ба шаҳри Душанбе ва 6 адад ба вилояти  Суғд рост  меояд. Дар ин хусус  Вазири адлияи ҷумҳурӣ Музаффар Ашӯриён 12 июл зимни нишасти матбуотӣ ба расонаҳои хабарӣ иттилоъ дод.

Вазир зикр намуд, ки кабинетҳои адвокатӣ  дар асоси моддаҳои 18 ва 25 –и Қонуни Ҷумҳурии Тоҷикистон «Дар бораи адвокатура ва фаъолияти адвокатӣ» ба қайд гирифта шудаанд. Аз соли 2015 то инҷониб дар мамлакат  247 кабинети адвокатӣ, 23 маслиҳатхонаҳои ҳуқуқӣ, 18 коллегияи адвокатӣ  ташкил карда шудаанд, ки дар онҳо  807 адвокат фаъолият менамоянд. Инчунин  ду кабинети  адвокатӣ барҳам дода шудааст.

Бо натиҷагирӣ аз фаъолияти Вазорати адлияи Тоҷикистон Музаффар Ашӯриён афзуд, ки имсол фаъолияти Вазорати адлияи мамлакат ба ҳалли масъалаҳои ҳуқуқӣ равона гардид. Дар ин давра ба вазорат ва сохторҳои он 27 ҳазору 887 мавод вобаста ба масъалаҳои  ҳуқуқӣ ворид гардиданд, ки нисбат ба ҳамин давраи соли гузашта  13 ҳазору  539 мавод зиёд  мебошад. Ҳамзамон Вазорати адлияи ҷумҳурӣ  дар самти фаъолияти ҳуқуқэҷодкунӣ ба 1944 лоиҳаи санадҳои  меъёрии ҳуқуқӣ ва 1 759 ҳуҷҷати дорои хусусияти ҳуқуқии байналмилалӣ хулосаи ҳуқуқӣ пешниҳод намудааст.

 

Июль 12, 2021 14:00

Хабарҳои дигари ин бахш

Ҳамкории Тоҷикистон ва Россия оид ба масоили ғизо густариш меёбад
ОБ ЗАХИРА НАМОЕД! Дар баъзе маҳаллаҳои Душанбе интиқоли оби нӯшокӣ муваққатан қатъ мегардад
АМАЛИЁТИ «ИСТГОҲ». Дар Тоҷикистон танбашавӣ ва ё дар таваққуфгоҳ нигоҳ надоштани воситаҳои нақлиёт ташвишовар боқӣ мондааст
Моҳи октябри соли 2022 WhatsApp ба таври доимӣ дар қатори смартфонҳои кӯҳна хомӯш карда мешавад
Дар корхонаи дўзандагии «Лола»-и ноҳияи Исмоили Сомонӣ 30 нафар занони хонашин бо кор таъмин шуданд
Рустам Ҳайдаров, сиёсатшинос: «Низоме, ки зан-модарро таҳқир мекунад, мубтало ба фаност!”
Қонун «Дар бораи кафолатҳои давлатии баробарҳуқуқии мардону занон ва имконияти баробари амалигардонии онҳо» баррасӣ шуд
ИМРӮЗ-РӮЗИ БАЙНАЛМИЛАЛИИ КУҲАНСОЛОН. Саргеронтологи Тоҷикистон: «Мо бояд неруи пиронсолонро чун сарвати миллии кишвар эътироф намоем»
САҲМИ ХУДРО ДАР СОХТМОНИ АСР БИГЗОР! Неругоҳи «Роғун» омода аст беш аз 2,6 ҳазор нафарро бо кор таъмин намояд
Дар Душанбе ҷаласаи Комиссияи байниидоравии танзими равандҳои муҳоҷират доир гардид
КАНАЛИ МЕЛИОРАТИВИИ ИШКОШИМ. Он барои ба гардиши кишоварзӣ ворид намудани заминҳои бекорхобида мусоидат менамояд
БА ИСТИҚБОЛИ 30-СОЛАГИИ ИҶЛОСИЯИ XVI ШӮРОИ ОЛӢ. Андешаҳои устодони Донишгоҳи давлатии Хоруғ дар ин маврид

Хабарҳои муҳимтарин