Иштирокдорони озмуни «Маҳсулот ва хизматрасонии беҳтарин дар Ҷумҳурии Тоҷикистон» қадрдонӣ шуданд
ДУШАНБЕ, 07.07.2021/АМИТ «Ховар»/. Дар Агентии «Тоҷикстандарт» дар доираи ҷамъбасти даври якуми озмуни «Маҳсулот ва хизматрасонии беҳтарин дар Ҷумҳурии Тоҷикистон» бо иштироки соҳибкорон чорабинӣ доир гардида, суъбектҳои хоҷагидор бо «Ифтихорнома»-ҳо қадрдонӣ гардиданд. Дар ин бора ба АМИТ «Ховар» аз Агентии «Тоҷикстандарт» хабар доданд.
Зимни ҷамъбасти озмун директори Агентии «Тоҷикстандарт» Темурҷон Абдулваҳобзода зикр намуд, ки номгӯи истеҳсоли маҳсулоти саноатӣ ҳамасола дар мамлакат рӯ ба афзоиш дорад ва имконият медиҳад, ки молу маҳсулоти истеҳсоли ватанӣ дар бозорҳои дохиливу ҷаҳонӣ рақобатпазир гардида, иқтидори содиротии мамлакат қавитару васеътар шавад.
Таъкид гардид, ки сифатнокӣ талаботро ба мол торафт афзун мегардонад. Дар бозор аслан ба ҳамон маҳсулот талаботи мардум бештар аст, ки ба бехатариаш кафолат дода шуда, ҳамзамон сифати хуб дорад ва ба табъу завқи истеъмолкунанда мувофиқ мебошад. Табиист, ки танҳо маҳсулоти хушсифат бозоргир ва ба рақобат тобовар ба ин мусоидат менамоянд.
Зикр шуд, ки Агентии «Тоҷикстандарт» сифат, бехатарии молу маҳсулот, кору хизматрасониро таҳти назорат қарор дода, бахши хусусиро дастгирӣ ва барои рушди соҳибкорӣ мусоидат менамояд.
Инчунин муовини директори Агентӣ Ситора Шерзода изҳор дошт, ки ҳар як дастоварди соҳибкорони ватанӣ боиси ифтихор буда, баёнгари дар бозори истеъмолӣ пайдо намудани мавқеъ дар истеҳсоли маҳсулоти рақобатпазири ватанӣ ва хизматрасонии ба талаботи меъёрҳо ҷавобгӯ мебошад.
Озмуни «Маҳсулот ва хизматрасонии беҳтарин дар Ҷумҳурии Тоҷикистон» аз ҷониби Агентии «Тоҷикстандарт» дар доираи ҷашни 30 — солагии Истиқлоли давлатӣ бо мақсади дастгирии истеҳсолкунандагон ва соҳибкорони ватанӣ ва дар ин замина барои муаррифӣ намудани маҳсулоти ватанӣ, афзоиши истеҳсоли маҳсулоти содиротиву воридотивазкунанда ва таъмини амнияти иқтисодии кишвар гузаронида шуда, даври дуюми озмун ва маросими ҷоизасупорӣ ба ғолибон охири моҳи июл дар назар дошта шудааст.
Муовини якуми Сарвазири Ҷумҳурии Тоҷикистон бо Президенти Идораи патентии Авруосиёӣ мулоқот намуд
Дар Вашингтон дурнамои ҳамкории Тоҷикистон бо Хазинаи Байналмилалии Асъор баррасӣ шуд
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Дар Тоҷикистон зиёда аз 8 ҳазор ихтирооти давлатҳои гуногуни ҷаҳон ҳифз мешаванд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
Тоҷикистон ва Фаронса ҳамкории саноатиро тақвият медиҳанд
Соҳибкорони Тоҷикистон ва Италия ба маблағи зиёда аз 160 миллион доллари амрикоӣ санадҳои дуҷонибаи ҳамкорӣ ба имзо расониданд
