«ВАКСИНАИ ЗИДДИВИРУСИИ КОВИД-19 — ҶАВШАНИ ХУД ВА НАЗДИКОНИ ШУМО!». КИМ ҲХДТ таҳти ин унвон аксияи эмгузарониро доир намуд

Июль 7, 2021 15:47

 ДУШАНБЕ, 07.07.2021 /АМИТ «Ховар»/. 6 июли соли равон аз ҷониби Кумитаи Иҷроияи Марказии Ҳизби Халқии Демократии Тоҷикистон, Кумитаи иҷроияи ҲХДТ дар шаҳри Душанбе  ва сохторҳои ноҳиявии  он дар ҳамкорӣ бо Раёсати тандурустии шаҳри Душанбе аксияи эмгузаронӣ таҳти унвони «Ваксинаи зиддивирусии Ковид-19 — ҷавшани худ ва наздикони Шумо»-ро дар атрофи бозори «Меҳргон»-и ноҳияи И.Сомонӣ, минтақаи 91-ум ва маҳаллаи Лучоби ноҳияи Сино, кӯчаи Н.Қарабоев ва атрофи «Маҷмааи тандурустии Истиқлол»-и ноҳияи Фирдавсӣ ва назди Маркази савдои «Садбарг»-и ноҳияи Шоҳмансури шаҳри Душанбе баргузор намуд.

Тавре аз КИМ ҲХДТ ба АМИТ «Ховар» хабар доданд,   аксияи эмгузаронӣ вобаста ба пешгирии хуруҷи мавҷи навбатии бемории сироятии COVID–19 дар доираи дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ тибқи қарори Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз интиқолу паҳншавии бемории сироятии COVID–19 дар Ҷумҳурии Тоҷикистон ба нақша гирифта шудааст.

Ҳамчунин аксия бо усули “хона ба хона, кӯча ба кӯча” ва ҷойҳои серодам, аз ҷумла бозор, боғҳои фарҳангӣ, истгоҳ ва роҳравҳои пойтахт бо ҷалби аъзоёни ТҶҶ «Созандагони Ватан» бо тақсими ниқоб ва корҳои фаҳмондадиҳӣ вобаста ба эмгузорӣ бар зидди коронавирус ташкил ва баргузор гардид.

Ҳамчунин аз ҷониби ҳайъати кормандони Кумитаи иҷроияи ҲХДТ дар маҳаллаҳои шаҳри Душанбе ҳар рӯз баҳри пешгирии сокинон ва меҳмонони пойтахти шаҳри Душанбе аз бемориҳои сироятӣ, аз ҷумла бемории коронавирус вохӯриҳои хона ба хона баргузор менамоянд, ки дар он тарғиби тарзи ҳаёти солим, риояи гигиенаи шахсӣ, риояи масофаи иҷтимои  ва эмгузаронӣ бар зидди Ковид-19-ро фаҳмонда мешавад.

АКСҲО: Кумитаи иҷроияи ҲХДТ

Июль 7, 2021 15:47

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад