Ба ифтихори ҷашни Истиқлоли давлатӣ ва Рӯзи китоб дар Китобхонаи миллӣ маҳфили фарҳангӣ доир шуд
ДУШАНБЕ, 24.08.2021 /АМИТ «Ховар»/. Истиқлоли давлатӣ барои ҳар миллат арзиши олӣ дошта, заминаи асосии мавҷудияти давлат ва кафили рушди давлатдории миллӣ ба шумор меравад. Ҷумҳурии Тоҷикистон дар даврони соҳибистиқлолӣ ба дастовардҳои арзишманди сиёсӣ, иқтисодӣ ва фарҳангӣ ноил гардид, ки ҳифз ва тақвияти он вазифаи муҳими ҳар шаҳрванди бо нангу номуси ин миллат мебошад.
Ин нуктаро 24 август зимни маҳфили фарҳангӣ таҳти унвони «Ганҷинаи ҳикмат» ба муносибати 30-солагии Истиқлоли давлатӣ ва Рӯзи китоб, ки аз ҷониби шуъбаи кӯдакон ва наврасони Китобхонаи миллии Тоҷикистон баргузор шуд, муовини директори Китобхонаи миллии Тоҷикистон Ҷалолуддин Нурзода баён дошт.
Ба андешаи мавсуф, зарфи 30 сол дар фазои соҳибистиқлолӣ бо талошҳои пайваста ва ташаббусҳои Сарвари хирадманди давлат барои рушди китобдорӣ ва китобхониву маънавиёти мардум, бахусус наврасону ҷавонон дастоварду пешравиҳои хуби фарҳангӣ фароҳам оварда шудаанд. Китобхонаи миллӣ аз дастоварди муҳими замони соҳибистиқлолӣ ба ҳисоб меравад.
Бо мақсади ҷалби хонандагони хурдсол дар Китобхона шуъбаи кӯдакон ва наврасон фаъолият намуда, ҷиҳати таъмини онҳо бо китобҳои тозанашр, бозиҳои шавқовари зеҳнӣ ва фароғат шароити арзанда фароҳам оварда шудааст.
Зикр шуд, ки тавассути баргузории Озмуни ҷумҳуриявии «Фурӯғи субҳи доноӣ китоб аст», ки се сол инҷониб бо ташаббуси Президенти мамлакат муҳтарам Эмомалӣ Раҳмон баргузор мешавад, инқилоби маънавие миёни хонандагон ба вуҷуд омад. Ҳамарӯза садҳо нафар хонандагон ба шуъбаи кӯдакон ва наврасони Китобхонаи миллӣ омада, ба озмуни мазкур омодагӣ мебинанд.
Дар шуъбаи кӯдакон ва наврасон бо ҷалби адибону нависандагони маъруфи кишвар пайваста маҳфилҳои адабӣ баргузор мешаванд. Хонандагон роҷеъ ба асарҳои адибони дӯстдоштаи худ, интихоби китобҳои шавқовару хонданбоб ва ғайра маълумот мегиранд.
Дар маҳфили фарҳангии «Ганҷинаи ҳикмат» як зумра шоирон, адибон ва нависандагони кӯдакон, хонандагони фаъоли шуъбаи кӯдакону наврасон, аз ҷумла иштирокчиёни фаъоли Озмуни ҷумҳуриявии «Фурӯғи субҳи доноӣ китоб аст» иштирок ва дар васфи Ватан, истиқлолу ваҳдат ва китоб шеърҳо қироат намуданд.
Дар қисмати фарҳангии барнома баромади театрикунонидаи хонандагони шуъбаи кӯдакон ва наврасон манзури меҳмонон ва иштирокчиён гардонида шуд.
Абдураҳими АБДУҚАҲҲОР,
АМИТ «Ховар»
Дар шаҳри Хоруғ даври вилоятии озмуни «Илм-фурӯғи маърифат» ҷамъбаст гардид
«ИЛМ-ФУРӮҒИ МАЪРИФАТ». Устодону донишҷӯёни Донишгоҳи давлатии Бохтар дар даври вилоятии озмун иштирок менамоянд
«ИЛМ-ФУРӮҒИ МАЪРИФАТ». Дар ноҳияи Рӯдакӣ даври минтақавии озмуни ҷумҳуриявӣ идома дорад
«ИЛМ-ФУРӮҒИ МАЪРИФАТ». Барои баргузории даври сеюми озмуни ҷумҳуриявӣ дар Душанбе шароити мусоид фароҳам оварда шудааст
«ИЛМ-ФУРӮҒИ МАЪРИФАТ». Дар Суғд даври вилоятии озмун оғоз гардид
Дар Душанбе даври шаҳрии Озмуни ҷумҳуриявии «Илм-фурӯғи маърифат» оғоз гардид
«ИЛМ-ФУРӮҒИ МАЪРИФАТ». Дар вилояти Хатлон даври сеюми озмуни ҷумҳуриявӣ оғоз шуд
«ИЛМ-ФУРӮҒИ МАЪРИФАТ». Дар Академияи миллии илмҳои Тоҷикистон ҷаласаи ҳайати комиссияи озмун баргузор шуд
«ФУРӮҒИ СУБҲИ ДОНОӢ КИТОБ АСТ». Соли 2025 маблағи озмун 100 фоиз зиёд карда мешавад
Бо дастури Президенти Тоҷикистон барои хонандагон, донишҷӯён ва калонсолон озмуни «Шоҳномахонӣ» гузаронида мешавад
«Тоҷикистон – Ватани азизи ман», «Фурӯғи субҳи доноӣ китоб аст» ва «Илм – фурӯғи маърифат». Мукофотпулӣ барои ғолибони озмунҳо 100 фоиз зиёд карда мешавад
Муовини Сарвазири Тоҷикистон бо раванди баргузории Озмуни ҷумҳуриявии «Фурӯғи субҳи доноӣ китоб аст» дар Ҳисор шинос шуд
