Дар Бадахшон 36 нафар иштирокчиёни даври вилоятии озмуни «Тоҷикистон- Ватани азизи ман» ба даври ҷумҳуриявӣ роҳхат гирифтанд

Август 2, 2021 15:54

ХОРУҒ, 02.08.2021 /АМИТ «Ховар»/. Аз миёни зиёда аз 200 нафар довталабони даври вилоятии Озмуни ҷумҳуриявии «Тоҷикистон — Ватани азизи ман» дар Вилояти Мухтори Кӯҳистони Бадахшон 36 нафарашон дар  номинаҳои сарояндагӣ, навозандагӣ ва бастакорӣ  ба даври ҷумҳуриявӣ роҳхат гирифта, бо дипломҳои дараҷаи якум, дуюм ва сеюм сарфароз гардонида шуданд.

Тавре мухбири минтақавии АМИТ «Ховар» иттилоъ медиҳад, раиси вилоят Ёдгор Файзов дар маросими ҷамъбасти озмун иштирок намуда, барои ширкати фаъол дар баргузории озмун ба аҳли фарҳанг, ҳакамону довталабони озмуни вилоятӣ арзи сипос намуд. Мавсуф гуфт, ки «имрӯз бо чашми худ дидем, ки саъю талоши дастандаркорони озмун натиҷаи хуб ба бор овард. Зеро яке аз ҳадафҳои ин озмун дарёфти истеъдодҳои нави соҳаи санъат ва рушди минбаъдаи малакаву маҳорати онҳо ба шумор меравад. Имрӯз мо  дар боғи санъат чеҳраҳои нав кашф намудем ва акнун вақти он расидааст, ки маҳорату малакаи касбиашонро такмил диҳем, барояшон беҳтарин намунаҳои оҳангу таронаҳои тараннумгари дастовардҳои замони истиқлол, нақши Пешвои миллат дар эъмору таҳкими давлатдории навини тоҷиконро интихоб намуда, бо шаклу мазмуни наву ҷолиб манзури сокинони пойтахти кишвар гардонем. Ман умедворам, ки ғолибони даври вилоятӣ дар озмуни ҷумҳуриявӣ бо оҳангу таронаҳои ҷаззобу мафтункунанда дили ҳакамону тамошобинонро тасхир хоҳанд кард».

Ҳунарпешаи маъруфи ҷумҳурӣ, узви ҳайати ҳакамон Соҳиба Давлатшоева гуфт, ки  «Бадахшон бо ҳунару фарҳанги худ на танҳо дар Тоҷикистон, балки дар ҷаҳон низ машҳур аст ва ҳунарнамоии имрӯзаи навниҳолони боғи санъат бори дигар ин гуфтаҳоро собит сохт. Маҳорату истеъдод, ғайрату лаёқати довталабони озмуни вилоятӣ моро ба ояндаи неки санъати пурғановати  мардуми кӯҳистон боз ҳам бештар хушбин месозад».

Дар маросими ҷамъбасти озмун  9 нафар ғолибон бо дипломи дараҷаи сеюм, 12 нафар бо дипломи дараҷаи дуюм ва 17 нафар бо дипломи дараҷаи якум сарфароз гардонида шуданд.

 

Акс аз АМИТ «Ховар»

Август 2, 2021 15:54

Хабарҳои дигари ин бахш

БОЗЁФТИ ОСОРИ ЗИНДАГИИ ОДАМОН ДАР ХОВАЛИНГ ТАҚРИБАН ЯК МИЛЛИОН СОЛ ПЕШ. Як гурӯҳ олимони бостоншиноси тоҷик назари худро дар ин бора ба АМИТ “Ховар” пешниҳод намуданд
Дар Москва дар бораи адиб ва синамогари тоҷик Абдурофеъ Рабизода китоб ба нашр расид
Дар Роғуну Турсунзодаю Тоҷикобод Иди Меҳргон — ҷашни ҳосилот пуршукӯҳ таҷлил гардид
Муовини Вазири фарҳанг Давлат Сафарзода: «Новобаста аз дастовардҳо имрӯз дар фаъолияти муассисаҳои фарҳангии Тоҷикистон мушкилот зиёданд»
То моҳи сентябри соли оянда дар Душанбе ва Турсунзода ду мактаби таҳсилашон ба забони русӣ ба истифода дода мешаванд
Беҳтарин муаллимони ГИТИС дар кишварҳои ИДМ дарс мегузаронанд ва ба наздикӣ ба Душанбе меоянд
Адиби шинохта Ҳаёт Неъмати Самарқандӣ даргузашт
Намояндаи Тоҷикистон дар Анҷумани XIII Ассотсиатсияи тадқиқоти байналмилалии Русия ширкат варзид
Дар Душанбе таҳти унвони «Тандурустӣ ҳамчун омили муҳими амнияти иҷтимоӣ» ҳамоиши илмӣ доир мегардад
«СЕ ШОҲКОР». Романҳои оламшумули нависандагони машҳури ҷаҳонӣ бо забони тоҷикӣ нашр шуданд
КИНО НЕРУИ АҚЛОНИВУ ЗЕҲНИИ ҶОМЕАРО БАЛАНД МЕБАРДОРАД. Андешаҳои коршиносони соҳа дар ин маврид
Шариф Ҳамдампур: «Ҳодисае, ки сад сол қабл ба сари тоҷикони Осиёи Миёна омада буд, ба сари тоҷикони Афғонистон омад»