Дар Душанбе оид ба таъмини амният зимни чорабиниҳои муҳими сиёсии давлатӣ ҷаласа доир шуд
ДУШАНБЕ, 25.08.2021 /АМИТ «Ховар»/. 24 август дар назди Вазири корҳои дохилӣ, генерал-полковники милитсия Рамазон Раҳимзода ҷаласаи корӣ баргузор гардида, дар он ҳайати шахсии мақомоти корҳои дохилии Раёсати Вазорати корҳои дохилӣ дар шаҳри Душанбе, Хадамоти давлатии «Муҳофиза», ШМЗҶМ, РХДО дар шаҳри Душанбе ва дигар сардорони раёсатҳо иштирок намуданд, хабар медиҳад АМИТ «Ховар» бо истинод ба Вазорати корҳои дохилии Ҷумҳурии Тоҷикистон.
Дар ҷаласа Вазири корҳои дохилӣ дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ҷиҳати дар сатҳи баланд гузаронидани чорабиниҳои муҳими сиёсии давлатӣ, таҷлили 30-солагии Истиқлоли давлатии Ҷумҳурии Тоҷикистон, баргузории ҷаласаҳои Шӯрои Созмони Ҳамкории Шанхай (СҲШ), Созмони Аҳдномаи амнияти дастҷамъӣ (СААД), пешгирии хатару таҳдидҳои замони муосир, пурзӯр намудани мубориза бар зидди ҷинояткорӣ, таъмини амнияти шаҳрвандон ва ҳифзи тартиботи ҷамъиятӣ ба ҳайати шахсии мақомоти корҳои дохилӣ расонид.
Вазир зикр намуд, ки «имсол барои шаҳрвандони Тоҷикистон соли таърихӣ ва хотирмон буда, мардуми тоҷик 30-юмин солгарди Истиқлоли давлатиро ҷашн мегиранд. Он махсусан барои кормандони мақомоти корҳои дохилӣ соли фаромӯшнашаванда ба ҳисоб меравад, чунки дар ин чорабиниҳои давлатӣ таъмини тартиботи ҷамъиятӣ ва амнияти шаҳрвандон бар дӯши мо вогузор карда шудааст. Дар ин рӯзҳо ҳар корманди мақомоти корҳои дохилиро зарур аст, ки ба таври шабонарӯзӣ фаъолият ва ба ватану миллат ва давлат содиқона хизмат намояд».
Дар хотимаи ҷаласа Вазири корҳои дохилӣ ҷиҳати омодагии кормандони милитсия вобаста ба чорабиниҳои муҳими сиёсии давлатӣ, тақвият бахшидани корҳои ободонию созандагӣ, тозаву озода нигоҳ доштани атрофи биноҳои маъмурӣ, манзилҳои истиқоматӣ, ҳамкорӣ бо ҷомеаи шаҳрвандӣ ва ҷавонони фаъол ба ҳайати шахсии мақомоти корҳои дохилии Раёсати ВКД дар шаҳри Душанбе, ХД «Муҳофиза», ШМЗҶМ, РХДО дар шаҳри Душанбе ва дигар ҷузъу томҳои мақомоти корҳои дохилӣ дастуру супоришҳои мушаххас дод.
АКСҲО: ВКД ҶТ
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
