Давлатҳои СААД ба мувофиқа расиданд, ки оид ба вазъ дар Афғонистон изҳороти муштарак таҳия кунанд
ДУШАНБЕ, 24.08.2021 /АМИТ «Ховар»/. Кишварҳои Созмони Аҳдномаи амнияти дастҷамъӣ (СААД) дар иҷлосияи ғайринавбатӣ ба мувофиқа расиданд, ки ояндаи наздик дар сатҳи вазирони корҳои хориҷӣ оид ба вазъ дар Афғонистон изҳороти муштарак таҳия карда шавад. Тавре АМИТ «Ховар» бо истинод ба ТАСС хабар медиҳад, дар ин бора Дабири кулли СААД Станислав Зас (ДАР АКС) изҳори назар кардааст.
Тавре қаблан хабар додем, 23 август таҳти раёсати Президенти Ҷумҳурии Тоҷикистон, Раиси Шӯрои амнияти дастҷамъии Созмони Аҳдномаи амнияти дастҷамъӣ муҳтарам Эмомалӣ Раҳмон иҷлосияи ғайринавбатии Шӯрои амнияти дастҷамъӣ дар шакли маҷозӣ баргузор гардид.
«Имрӯз зимни муҳокима сарони давлатҳои мо чунин андешаро иброз доштанд, ки бояд дар муддати кӯтоҳ мавқеи мувофиқашудаи СААД оид ба вазъияте, ки ҳоло дар Афғонистон ва атрофи он рух медиҳад, муайян карда шавад. Мо ин корро дар ояндаи наздик анҷом медиҳем. Ба иҷлосия [Шӯрои СААД], ки 15-16 [сентябр] баргузор мешавад, мо изҳороти муштаракро оид ба вазъ дар Афғонистон дар сатҳи вазирони корҳои хориҷӣ, ки дар он мавқеи муттаҳидшудаи ҳамаи давлатҳои мо ифода хоҳад ёфт, омода месозем», -иқтибос меорад ТАСС суханони Дабири кулли СААДро.
Зас гуфт, ки сарони кишварҳои узви СААД зарурати муттаҳид сохтани талошҳоро бо Созмони Ҳамкории Шанхай (СҲШ) оид ба Афғонистон таъкид намуданд.
«Бешубҳа, имрӯз зарурати ҳамкорӣ бо дигар созмонҳои байналмилалӣ, пеш аз ҳама, бо СҲШ дар мавзӯи Афғонистон ба миён омадааст», — гуфт ӯ.
Ба гуфти ӯ, иштироки Узбекистон дар ҷаласаи ғайринавбатии Шӯрои амнияти дастҷамъии СААД аз он шаҳодат медиҳад, ки шарикони ин созмон омодаанд вазъ дар Афғонистонро муҳокима кунанд ва эҳтимол амалҳои худро ҳамоҳанг созанд.
Ёдовар мешавем, ки иҷлосияи навбатии Шӯрои амнияти дастҷамъии СААД дар шакли ҳузурӣ 16 сентябри соли равон дар Душанбе баргузор мешавад.
АКС: Хадамоти матбуоти Президенти ҶТ/АМИТ «Ховар»
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
