Муовини Котиби генералии СҲИ Ҷандос Асанов: «Тоҷикистон воқеан сарзамини биҳиштосо ва мардуми он меҳмоннавоз аст»
ДУШАНБЕ, 31.08.2021. /АМИТ «Ховар»/. Масъалаҳои густариши муносибатҳои дуҷониба дар соҳаи сайёҳӣ дар доираи Созмони ҳамкории Иқтисодӣ имрӯз зимни мулоқоти раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода бо муовини Котиби генералии СҲИ Ҷандос Асанов баррасӣ гардиданд. Дар ин бора ба АМИТ «Ховар» аз Кумитаи рушди сайёҳии назди Ҳукумати ҶТ хабар доданд.
Бино ба иттилои манбаъ, зимни мулоқот Ҷандос Асанов таассуроти худро аз дидаҳояш аз шаҳрҳои Душанбе, Турсунзода ва Ҳисор иброз намуда, Тоҷикистонро воқеан ҳам сарзамини биҳиштосо ва мардуми онро меҳмоннавоз унвон кард.
Ӯ ба Ҳукумати Ҷумҳурии Тоҷикистон барои дар сатҳи баланд ташкил намудани Фестивали байналмилалии «Душанбе-пойтахти сайёҳии давлатҳои аъзои Созмони ҳамкории Иқтисодӣ» ва Форуми байналмилалии «Рушди агротуризм дар Тоҷикистон», ки рӯзҳои 29-30 августи соли ҷорӣ дар шаҳри Душанбе баргузор гардид, изҳори сипос намуд.
Зикр карда шуд, ки барои рушди агросайёҳӣ дар Тоҷикистон меваҳои шаҳдбор ва аз лиҳози экологӣ тоза, аз ҷумла ангур, шафтолу, зардолу, гелос, себ, нок ва ҷамъоварии онҳо бевосита дар боғҳо, сабзавоти тару тоза, маҳсулоти полезӣ, чун харбузаю тарбуз, меваи хушк, асали болаззаттарин, афшураи меваю сабзавот ва дигар маҳсулоти аз лиҳози экологӣ тоза замина фароҳам меоранд.
Яке аз афзалиятҳои дигар барои рушди сайёҳии аграрӣ дар мамлакат-ин таҷлили идҳои хос ба кишоварзӣ мебошад. Намоишгоҳҳои маҳсулоти кишоварзӣ, ҷашнҳои «Сада», «Меҳргон», идҳои «Харбуза ва асал», эълон намудани Иди ангур ва Иди себ диққати сайёҳону меҳмонони хориҷиро ба кишвари офтобрӯяи мо бештар ҷалб намуда, лаззати меваҳои шаҳдбори Тоҷикистон ҳамеша дар хотироти онҳо боқӣ мемонад.
Чорабиниҳои мазкур барои густариши агросайёҳӣ мусоидат намуда, минбаъд сайёҳони дохилию хориҷӣ ба ин ҷашнҳо ба таври васеъ ҷалб карда мешаванд.
Бояд зикр намуд, ки Фестивали байналмилалии «Душанбе-пойтахти сайёҳии давлатҳои аъзои Созмони ҳамкории Иқтисодӣ» ва Форуми байналмилалии «Рушди агротуризм дар Тоҷикистон» бори дигар имконияти хуби муаррифӣ ва баррасии захираҳои сайёҳии Тоҷикистонро ҳамчун ватани дорои пайроҳаҳои Шоҳроҳи бузурги Абрешим баҳогузорӣ намуда, ба рушди ин соҳа такони ҷиддӣ бахшида, ба хотираи меҳмонону сайёҳон аз кишвари мо таасуроти нек боқӣ хоҳад гузошт.
РАВАНДИ ОБИ ДУШАНБЕ. Иштирокчиёни Конфронси 4-уми байналмилалӣ мавзеъҳои ҷолиби Тоҷикистонро тамошо мекунанд
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
