ОБ ЗАХИРА КУНЕД! Бинобар корҳои таъмирӣ дар баъзе кӯчаҳои шаҳри Душанбе интиқоли оби ошомиданӣ муваққатан қатъ мегардад

ДУШАНБЕ, 05.08.2021 /АМИТ «Ховар»/. Мақомоти иҷроияи ҳокимияти давлатии шаҳри Душанбе ба иттилои сокинон ва меҳмонони пойтахт мерасонад, ки аз соати 22:00-и 5 август то соати 10:00-и 6 август бинобар сабаби амалисозии корҳои таъмирию профилактикӣ фишори об суст гардида, дар кӯчаҳои Ҷомӣ, шаҳракҳои 61, 62, 63, 64, 65-и ноҳияи Фирдавсӣ ва маҳаллаи Гипроземи ноҳияи Сино интиқоли оби ошомиданӣ номунтазам мегардад.

Бинобар сабаби идома доштани корҳои таъмирӣ ва бунёди роҳ дар кӯчаҳои Қосимов–Фирдавсӣ ивазу пайвасти қубурҳои оби ошомиданӣ ба масофаи беш аз 400 метр пешбинӣ гардидааст. Аз ин лиҳоз интиқоли об аз соати 22:00-и 5 август то соати 10:00-и 6 август қатъ карда мешавад.

Аз шаҳрвандоне, ки дар кӯчаҳои Фирдавсӣ  — 25/1, 27, 27 /,1,2, 4,5,  — 35, 37, 39, — 29, 29/ 1, 2, 3, -13/1,13/8,13/10, 13/12, -7/1, 9/4, 5,6, -5/2,3,4,5, — 1/1, — 13/18, 20, — 15/1,2,3,4 ва кӯчаи Қосимов, 7/1,2,3,4,5, 5/1, 5/4, 5/5 зиндагӣ мекунанд, хоҳиш карда мешавад, ки обро барои як шаб захира намоянд.

АКС аз манбаъҳои боз