ВАО: «Толибон»* минтақаҳои асосии маркази вилояти Тахорро, ки бо Тоҷикистон ҳаммарз мебошад, зери назорат гирифтанд
ДУШАНБЕ, 09.08.2021 /АМИТ «Ховар»/. Ҷонибдорони ҳаракати «Толибон»* якчанд минтақаҳои асосии маркази маъмурии вилояти Тахори Афғонистон – шаҳри Толуқонро зери тасарруфи худ дароварданд. Дар ин бора 8 август шабакаи телевизионии Афғонистон TOLO News гузориш дод.
Тибқи гузориши радио, «Толибон»* минтақаҳои калидии Толиқон, аз ҷумла қисмати марказии шаҳрро ишғол намуданд.
Чанде пеш шабакаи телевизионии Sky News Arabia бо истинод ба манбаъҳо аз неруҳои амниятии Афғонистон хабар пахш кард, ки маркази маъмурии музофоти Тахор пурра таҳти назорати ҳаракати «Толибон»* даромад. Дар ин бора аз ҷониби мақомоти расмии Афғонистон хабар пахш нагардидааст.
Субҳи якшанбе шабакаи телевизионии Al Arabiya изҳороти «Толибон»-ро* дар иртибот ба забти шаҳри Қундуз — яке аз марказҳои асосӣ дар шимоли Афғонистон пахш намуд. Аммо, Вазорати мудофиаи Афғонистон хабар дод, ки неруҳои таъйиноти махсуси кишвар барои аз шаҳр берун кардани толибон ва баъзе ноҳияҳое, ки аз ҷониби ифротгароён тасарруф гардида буданд, амалиёт мегузаронанд.
Тавре фармондеҳи неруҳои таъйиноти махусус Тоҷ Муҳаммад изҳор дошт, «Толибон»* дар давоми 24 соати охир дар набард бо низомиёни афғон талафоти зиёд доданд». Неруҳои таъйиноти махсус яке аз майдонҳои асосии шаҳр ва маҳаллае дар наздикии онро аз ифротгароён тоза намуда, инчунин назоратро дар идораи радио ва телевизиони миллӣ барқарор намуданд.
Ёдовар мешавем, ки вилоятҳои Тахор ва Қундуз дар шимоли Афғонистон бо Тоҷикистон ҳаммарз мебошанд.
АКС аз бойгонӣ
________________________________
* Толибон – ҳаракати мамнӯъ дар Тоҷикистон
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
Дар Душанбе дар мавзуи муқовимат ба экстремизм ва терроризм конференсияи илмӣ-амалӣ доир шуд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
