Вазири корҳои хориҷии Покистон ҷомеаи ҷаҳонро ба муколама бо толибон даъват намуд
ДУШАНБЕ, 24.08.2021 /АМИТ «Ховар»/. Исломобод аз ҳамаи кишварҳои ҷаҳон даъват мекунад, ки бо ҳаракати радикалии «Толибон» (мамнӯъ дар Тоҷикистон), ки дар Афғонистон ба қудрат расидаанд, муколама кунанд. Тавре АМИТ «Ховар» бо истинод ба ТАСС хабар дод, дар ин бора дирӯз, 23 август зимни нишасти матбуотӣ вазири корҳои хориҷии Покистон Шоҳ Маҳмуд Қурайшӣ (ДАР АКС) хабар дод.
«Ҷомеаи байналмилалӣ бояд бо толибони афғон дар тамос бошад», — иқтибос овардааст суханони Қурайширо шабакаи телевизионии Jeo TV.
Ба гуфтаи вазири корҳои хориҷии Покистон, дар ояндаи наздик ӯ барои баррасии вазъияти Афғонистон ба Эрон, Туркманистон, Тоҷикистон ва Узбекистон сафар мекунад. Вай ҳамчунин иброз дошт, ки Покистон ният дорад ба сулҳ дар ин кишвар мусоидат намояд ва умедвор аст дигар давлатҳои минтақа низ ҳамин тавр хоҳанд кард.
Ҷангҷӯёни ҳаракати «Толибон» 15 август бидуни ҷанг вориди Кобул шуда, дар тӯли чанд соат дар пойтахти Афғонистон назорати комил ба роҳ монданд. Ашраф Ғанӣ, раиси ҷумҳури Афғонистон гуфт, ки барои ҷилавгирӣ аз хунрезӣ истеъфо дод ва кишварро тарк кард. Кишварҳои ғарбӣ шаҳрвандони худ ва кормандони сафоратхонаҳоро тахлия мекунанд.
АКС: IANS
Дар Душанбе дар мавзуи муқовимат ба экстремизм ва терроризм конференсияи илмӣ-амалӣ доир шуд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
