Вазорати кишоварзии Тоҷикистон ба Намоишгоҳи байналмилалии ЭКСПО-2023 ба Давлати Қатар даъват гардид

Август 24, 2021 15:01

ДУШАНБЕ, 24.08.2021 /АМИТ «Ховар»/. 23 август зимни мулоқоти Вазири кишоварзии Ҷумҳурии Тоҷикистон Сулаймон Зиёзода бо Сафири Давлати Қатар дар Ҷумҳурии Тоҷикистон Иброҳим бин Муҳаммад ал — Абдулло  ба ҷониби Тоҷикистон даъватномаи Вазири шаҳрдорӣ ва муҳити атрофи Давлати Қатар барои иштирок дар Намоишгоҳи байналмилалии ЭКСПО, ки соли 2023 дар Давлати Қатар баргузор мегардад, супорида шуд, иттилоъ доданд аз Раёсати байналмилалии  Вазорати кишоварзии Ҷумҳурии Тоҷикистон ба АМИТ «Ховар».

Ёдовар мешавем, ки аз 29 апрел то 7 октябри соли 2019 дар шаҳри Пекини Ҷумҳурии Мардумии Чин Намоишгоҳи байналмилалии боғпарварии «ЭКСПО-2019» сурат гирифт. Ҷумҳурии Тоҷикистон дар номинаи «Майдонҳои дохилии намоишгоҳи байналмилалӣ» аз рӯи баҳогузории экспозитсияи намоишгоҳӣ, мутобиқатии мавзуъ, муаррифӣ, ташкили кори павилйон ва тарҳи меъморӣ соҳиби ҷоизаи тиллоӣ гардида буд.

Ҳамчунин зимни мулоқот ҷонибҳо масъалаҳои дуҷонибаи ҳамкорӣ дар соҳаи кишоварзӣ, аз қабили бо сармоягузории қатарӣ ворид намудани таҷҳизоти муосир барои бунёди гармхонаҳои доимамалкунанда, чорвои калон барои зиёд намудани насли хушзот, тухмиҳои хушсифати дараҷаи элитаи гандум, картошка, пахта ва дигар зироати афзалиятнок, воридоти нуриҳои минералӣ, заҳрхимикатҳо барои нест кардани ҳашароти зараррасон, аз ҷумла малах, харидорӣ намудани модарзанбӯр бо мақсади афзоиши истеҳсоли асал ва содироти он ба Давлати Қатарро баррасӣ намуданд.

Дар ҷараёни мулоқот ҷонибҳо  доир ба бунёди бинои нави таълимии замонавӣ барои Донишгоҳи аграрии Тоҷикистон ба номи Шириншоҳ Шоҳтемур мубодилаи афкор намуданд.

АКС аз Вазорати кишоварзии ҶТ

Август 24, 2021 15:01

Хабарҳои дигари ин бахш

Дар Маркази такмили ихтисоси кормандони соҳаи тарбияи ҷисмонӣ ва варзиш машғулияти омӯзишӣ оғоз гардид
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид