ЗАМИНЛАРЗАИ ШАДИД ДАР ГАИТИ. Шумораи фавтидагон ба 1297 нафар расид

Август 16, 2021 09:42

ДУШАНБЕ, 16.08.2021 /АМИТ «Ховар»/. Теъдоди қурбониёни заминларза дар Гаити ба 1297 нафар расид. Ҳадди ақалл 5,7 ҳазор нафар маҷрӯҳ шуданд. Тавре АМИТ «Ховар» иттилоъ медиҳад, дар ин бора дирӯз, 15 август Агентии Франс Пресс бо истинод ба маълумоти раёсати мудофиаи шаҳрвандии ҷумҳурӣ хабар додааст. 

Заминларза бо шиддати 7,2  балл тақрибан дар километри 125-уми самти ғарбии пойтахти Гаити- Порт-о-Пренс 14 август рӯзона рух дод. Маркази зилзила дар умқи 6 мил (тақрибан 9,65 км) будааст.

Ба гуфтаи нахуствазири Гаити Ариэл Анри, офати табиӣ ба минтақаҳои ҷанубӣ “хисороти бузург» ворид кардааст. Мақомоти кишвар ҳолати фавқулода эълон кардаанд. Иёлоти Муттаҳидаи Амрико бо супориши президент Ҷо Байден ба ин кишвари ҷазиравӣ кумак мекунанд.

Соли 2010 ин кишвар аллакай бо заминҷунбии ба ин дараҷа баробар дучор омада буд. Дар он вақт дар Гаити як силсила ларзишҳо ба амал омаданд, ки пурқувваттарини онҳо – бо шиддати 7 балл  низ дар ғарби Порт -о -Пренс сабт шуда буд. Тибқи ҳисобҳои расмӣ, шумораи қурбониён аз 222 ҳазор нафар гузаштааст.

 

АКС: rbc.ru

Август 16, 2021 09:42

Хабарҳои дигари ин бахш

Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид