Президенти Тоҷикистон Эмомалӣ Раҳмон Корхонаи парандапарварии «Мурғи Нуробод»-ро мавриди баҳрабардорӣ қарор доданд

Сентябрь 20, 2021 14:50

ДУШАНБЕ, 20.09.2021 /АМИТ «Ховар»/. 20 сентябр дар идомаи сафари корӣ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати ифтитоҳи якчанд иншоот ва шиносоӣ бо рафти корҳои ободониву бунёдкорӣ ба ноҳияи Нуробод ташриф оварданд.

Нахуст дар ноҳияи Нуробод Президенти Ҷумҳурии Тоҷикистон муҳтарам Эмомалӣ Раҳмон Корхонаи парандапарварии «Мурғи Нуробод»-ро мавриди баҳрабардорӣ қарор доданд.

Корхонаи нав барои истеҳсоли тухми аълосифат пешбинӣ гардида, дар он 30 ҳазор сар мурғ парвариш карда мешавад. Дар оянда «Мурғи Нуробод» имконият дорад, ки дар як рӯз 25 ҳазор дона тухм истеҳсол намуда, дар як сол то 9 миллион дона тухми мурғро ба фурӯш барорад.

Тибқи баҳогузории мутахассисони соҳа, чӯҷаҳое, ки  барои парваришу нигоҳубин интихоб гардидаанд, сермаҳсул буда, аллакай дар чормоҳагӣ ба тухмдиҳӣ оғоз хоҳанд кард.

Иттилоъ дода шуд, ки «Мурғи Нуробод» дар минтақаи Рашт нахустин корхонаи парандапарварӣ буда, дар оянда имконият дорад талаботи ноҳияҳои водиро бо тухми аълосифат пурра қонеъ созад.

Дар коргоҳ технологияи муосири итолиёвӣ насб гардида, таъмини хӯроки паранда, обу дон ва ҷамъоварии тухм ба таври автоматӣ роҳандозӣ шудааст. Барои таъмини ҳарорати муътадили дохили фермаҳо дар асоси меъёрҳои зарурӣ дастгоҳҳои муосир насб гардидаанд, ки ин барои беталаф нигоҳ доштани мурғ мусоидат хоҳад кард. Хӯроки паранда низ аз корхонаҳои ватанӣ дастрас мешавад, ки ин омил ба паст кардани арзиши аслии маҳсулот боис мегардад.

Корхонаи парандапарварии «Мурғи Нуробод» аз ҷониби соҳибкори маҳаллӣ Маҳмадалӣ Сангов бунёд ва он дар асоси технологияи муосир  фаъолият хоҳад кард. Иқдоми аз шаш намуди андоз, аз ҷумла аз воридоти технологияи муосир пурра озод намудани корхонаҳои истеҳсолӣ, ки дар доираи дастуру супоришҳои Пешвои муаззами миллат анҷом дода шуд, ҳам барои таъмини фаровонии маҳсулот дар бозорҳо ва ҳам соҳиби ҷойи кор гардидани аҳолии маҳаллӣ мусоидат намуд.

Айни замон дар корхонаи нав 20 сокини маҳаллӣ соҳиби ҷойи кори доимӣ гардида, маҳсулоти ниҳоии он дар навбати аввал ба шаҳри Роғун, ноҳияҳои Сангвор, Нуробод, Рашт, Тоҷикобод ва Лахш ба харидорон пешниҳод карда мешавад.

Зимни боздид Сарвари давлат муҳтарам Эмомалӣ Раҳмон ба масъулин барои рушди фаъолияти корхона дастуру маслиҳатҳои муфид дода, иқдоми бунёдкоронаи соҳибкорони маҳаллиро намунаи ибрат ва қобили дастгирӣ арзёбӣ карданд.

Ба истифода додани Корхонаи парандапарварии "Мурғи Нуробод" 20.09.2021

Сентябрь 20, 2021 14:50

Хабарҳои дигари ин бахш

Суратгузориши АМИТ «Ховар» аз ҷараёни Мусобиқаи байналмилалӣ оид ба қаиқронӣ дар шаҳри Душанбе
23 МАРТ — РӮЗИ УМУМИҶАҲОНИИ ОБУҲАВОШИНОСӢ. Ҳар се соат ба Хадамоти ҷаҳонии ҳавошиносӣ доир ба вазъи об ва боду ҳавои Тоҷикистон маълумот пешниҳод мегардад
Бо дастури Президенти Тоҷикистон барои бартарафсозии оқибатҳои заминларза Комиссияи ҷумҳуриявӣ таъсис дода шуд
«ҲАФТ СИН». Ин анъанаи неки Наврӯз рамзи фаровонҳосилӣ, файзу баракат ва фардои дурахшон ҳисобида мешавад
Суханронии Президенти Ҷумҳурии Тоҷикистон Эмомалӣ Раҳмон дар чорабинии канории «Харитаи роҳ барои соли 2025: Соли байналмилалии ҳифзи пиряхҳо»
Президенти Ҷумҳурии Тоҷикистон Эмомалӣ Раҳмон дар чорабинии канории «Харитаи роҳ барои соли 2025: Соли байналмилалии ҳифзи пиряхҳо» иштирок ва суханронӣ намуданд
Президенти Ҷумҳурии Тоҷикистон Эмомалӣ Раҳмон дар чорабинии канорӣ «Табдили институтҳои иқтисодии глобалӣ ба манфиати умум: Даъват барои бедоршавӣ аз ҷониби Комиссияи глобалӣ оид ба иқтисодиёти об» иштирок карданд
Пешвои миллат Эмомалӣ Раҳмон бо Раиси иҷлосияи 77-уми Маҷмаи Умумии Созмони Милали Муттаҳид Чаба Короши мулоқот намуданд
Суханронии Президенти Ҷумҳурии Тоҷикистон Эмомалӣ Раҳмон дар маросими ифтитоҳи Конфронси СММ оид ба шарҳи фарогири миёнамуҳлати ҳадафҳои Даҳсолаи байналмилалии амал «Об барои рушди устувор, солҳои 2018-2028»
Президенти Ҷумҳурии Тоҷикистон Эмомалӣ Раҳмон дар Конфронси СММ оид ба шарҳи фарогири миёнамуҳлати ҳадафҳои Даҳсолаи байналмилалии амал «Об барои рушди устувор, солҳои 2018-2028» иштирок ва суханронӣ намуданд
Сокинони ноҳияи Мастчоҳ бо шукргузорӣ аз баракати истиқлол Ҷашни байналмилалии Наврӯзро таҷлил намуданд
Дар ноҳияи Ванҷ Ҷашни байналмилалии Наврӯз бо шукуҳу шаҳомат ва ифтихору сарфарозӣ таҷлил гардид