Ҳамаи гурезаҳои афғон Узбекистонро тарк карданд — Вазорати корҳои хориҷӣ

Сентябрь 14, 2021 15:35

ДУШАНБЕ, 14.09.2021 /АМИТ «Ховар»/. Давоми ду рӯзи охир ҳамаи шаҳрвандони Афғонистон, ки дар қаламрави Узбекистон буда,  марзро ғайриқонунӣ убур кардаанд, ба кишвари дигар интиқол дода шуданд. Дар ин бора намояндаи расмии Вазорати корҳои хориҷии ҷумҳурӣ Юсуп Кобулҷонов хабар дод (ДАР АКС).

 Ба гуфтаи ӯ, бинобар рӯйдодҳои маълум дар Афғонистон гурӯҳи низомиёни собиқ ва намояндагони аҳолии осоиштаи ин кишвар ғайриқонунӣ марзи давлатии Узбекистонро убур карда, боздошт шуданд. «12-13 сентябр ҳамаи шаҳрвандони Афғонистон, ки дар қаламрави Узбекистон буданд, ба дигар кишвар интиқол дода шуданд»,-гуфт Ю. Кобулҷонов.

Қариб як моҳ пеш халабонҳои афғон бо чархболу ҳавопаймоҳои Неруҳои ҳавоии Афғонистон марзи Узбекистонро убур карданд. 16 август Прокуратураи генералӣ хабар дод, ки 22 ҳавопаймои низомӣ ва 24 чархбол бо 585 низомии мусаллаҳи афғон ғайриқонунӣ аз ҳарими ҳавоии кишвар убур кардаанд (баъдан хабар дода шуд, ки хабар пурра тасдиқ нашудааст). Ҳангоми ҳамроҳӣ ҳавопаймои МиГ-29-и Узбекистон ва Embraer 314-и Афғонистон бархӯрданд.

Охири моҳи август WSJ бо такя ба мақомот хабар дод, ки ҳукумати  Узбекистон ИМА-ро аз нақшаи ихроҷи халабонҳои афғон бо хонаводаҳояшон аз ин кишвар огоҳ намудаанд. Нашрия инро ба талаби ҷунбиши “Толибон” (мамнӯъ дар Тоҷикистон) рабт дод, ки аз Узбекистон даъват кардааст ҳавопаймо ва чархболҳоеро, ки халабонҳои Афғонистон бо онҳо омадаанд, баргардонад.

Аввали моҳи сентябр Reuters гуфта буд, ки халабонҳои афғон ва дигар шахсоне, ки дар урдугоҳи хаймавӣ дар Узбекистон ҷойгиранд, аз дубора бозгардонидани онҳо ба ватанашон метарсанд. «Агар моро баргардонанд, ман 100% боварӣ дорам, ки моро мекушанд», — гуфт яке аз халабонҳо.

                  АКС: Вазорати корҳои хориҷии Ҷумҳурии Узбекистон

Сентябрь 14, 2021 15:35

Хабарҳои дигари ин бахш

Аврупо ва Амрико дар барқарорсозии соҳаи сайёҳӣ пешсафанд
Ҳамарӯза дар ИМА то 400 нафар бар асари коронавирус мефавтанд
Дар Қазоқистон шабонарӯзи гузашта 2661 нафар ба коронавирус гирифтор шудаанд
Ӯ 94 СОЛ ДОШТ. Собиқ президенти Филиппин Фидел Валдес Рамос аз олам даргузашт
Шветсия аз 1 сентябр ҳаракати велосипедҳои барқиро дар роҳҳои пиёдагард манъ мекунад
Зиёда аз 300 шаҳрванди хориҷиро аз Қазоқистон ихроҷ намуданд
Теъдоди қурбониёни селу обхезӣ дар Покистон ба 312 нафар расид
Дар Кувайт сарвазири нав таъйин намуданд
ДРАУПАДИ МУРМУ ПРЕЗИДЕНТИ НАВИ ҲИНДУСТОН ИНТИХОБ ГАРДИД. Вай 18 июл дар интихоботи президентӣ бештари овозҳоро ба даст овард
Дар мубориза барои курсии сарвазири Британия ду номзад боқӣ мондаанд
Дар Ҳиндустон интихоботи президентӣ оғоз гардид
Номзадҳо ба мақоми президенти Шри-Ланка 19 июл муаррифӣ мешаванд

Маводҳои таҳлилӣ