Блинкен гуфт, ки ИМА ба нақши Покистон дар ҳаводиси Афғонистон баҳо хоҳад дод

Сентябрь 14, 2021 10:04

ДУШАНБЕ, 14.09.2021 /АМИТ «Ховар»/. Маъмурияти ИМА ният дорад нақшеро, ки Покистон дар пуштибонӣ аз Толибон* ва рӯйдодҳои Афғонистон бозидааст, арзёбӣ кунад. Тавре АМИТ «Ховар» бо истинод ба ТАСС хабар медиҳад, дар ин бора рӯзи душанбеи 13 сентябр котиби давлатии ИМА Энтони Блинкен хабар дод.

Ба гуфтаи ӯ, мақомоти ИМА қасд доранд «дар рӯзҳо ё ҳафтаҳои наздик» дар заминаи вазъ дар Афғонистон ва ишғоли ин кишвар аз сӯи толибон «нақши Покистон дар 20 соли охир «-ро баррасӣ кунанд. Тавре ки Блинкен зикр кард, Вашингтон инчунин баҳс хоҳад кард, ки аз нуқтаи назари Иёлоти Муттаҳидаи Амрико Покистон бояд «дар солҳои наздик [дар Афғонистон] чӣ нақш бозад ва барои ин чӣ лозим аст».

Котиби давлатӣ зимни суханронӣ зикр кард, ки амалҳои Покистон «дар бисёр ҳолатҳо ба манфиатҳои ИМА мухолифанд». Вай инчунин афзуд, ки дар баъзе ҳолатҳо манфиатҳои кишварҳо мувофиқат мекунанд. Блинкен изҳор дошт, ки ҷониби Амрико бо Покистон дар якчанд соҳаҳои марбут ба мубориза бо терроризм ҳамкорӣ мекунад.

Ҳаракати радикалии “Толибон”* амалиёти густурдаро барои назорат бар Афғонистон пас аз эълони ИМА дар бораи хуруҷи неруҳояш аз ин кишвар оғоз кард. 15 август президенти Афғонистон Ашраф Ғанӣ истеъфо дода, кишварро тарк кард ва толибон бидуни ҷанг вориди Кобул шуданд. Кормандони низомии ИМА то аввалҳои моҳи сентябр Афғонистонро комилан тарк карданд ва ҳузури қариб 20-солаи онҳо дар ҷумҳурии исломӣ хотима ёфт.

____________________________

*Созмони террористӣ, ки дар Тоҷикистон мамнӯъ эълон шудааст   

 АКС: Агентии федералии ахбор

Сентябрь 14, 2021 10:04

Хабарҳои дигари ин бахш

Президенти собиқи Алҷазоир Абд-ул-Азиз Бутафлиқа дар синни 85 даргузашт
Путин тирпаронӣ дар Пермро фалокат барои тамоми Русия номид
Президенти Эрон доир ба воридшавии ин кишвар ба СҲШ изҳори назар намуд
ТИРБОРОН ВА ЗИНДОН. Дар артиши Масъуд дар бораи амалҳои ваҳшиёнаи толибон дар Панҷшер нақл карданд
Дар ҳафтаи иҷлосияи сатҳи баланди Маҷмаи умумии СММ мулоқот оид ба Афғонистон доир мешавад
ҲУҚУҚУ ОЗОДИИ ОДАМОН ДАР АФҒОНИСТОН ЗЕРИ ХАТАР АСТ. Толибон дар Рӯзи байналмилалии демократия изҳор доштанд, ки ҳомиёни декморатияро зери фишор қарор хоҳанд дод
Барои кумак ба Афғонистон зиёда аз 1 миллиард доллар ҷамъоварӣ шудааст
СММ: Хатари ҷиддии суқути комили иқтисодии Афғонистон вуҷуд дорад
Ҳамаи гурезаҳои афғон Узбекистонро тарк карданд — Вазорати корҳои хориҷӣ
Блинкен: Тоҷикистон, Узбекистон ва Покистон ваъда доданд, ки шаҳрвандони Амрикоро аз Афғонистон мегузаронанд
WSJ: Халабонҳои афғон аз Узбекистон ба пойгоҳи низомии ИМА интиқол дода мешаванд
Намояндаи доимии Афғонистон дар СММ аз Шӯрои Амният даъват намуд, ки толибонро дар Кобул эътироф накунад

Маводҳои таҳлилӣ