ЧАНГУ ҒУБОРИ АФҒОНӢ. Бар ивази гармӣ ба Тоҷикистон чангу ғубор омад
ДУШАНБЕ, 10.09.21. /АМИТ «Ховар»/. Тӯфони чангу ғубор (ё боди «афғонӣ»*), ки гармии Тоҷикистонро иваз кард, рӯзҳои 10-11 сентябр идома хоҳад ёфт. Гузашта аз ин, дар баъзе минтақаҳои ҷумҳурӣ шамол то 15-20 метр дар як сония мевазад, хабар медиҳад Агентии обуҳавошиносии ҷумҳурӣ.
Тӯфони серчанг, ки аз ҷанубу ғарби кишвар ворид шудааст, шаҳру ноҳияҳои вилояти Хатлон — Бохтар, Кӯлоб, Норак, Данғара, Ёвон, Восеъ, Панҷ, Фархор, Дӯстӣ ва шаҳру ноҳияҳои тобеи ҷумҳурӣ: Душанбе, Ваҳдат, Ҳисор, Турсунзода ва Рӯдакиро фаро мегирад, омадааст дар хабар.
Дар ин давра дар минтақаҳои тобеи ҷумҳурӣ туман низ боқӣ хоҳад монд.
Обуҳавошиносон ба шаҳрвандон тавсия медиҳанд, ки дар ин рӯзҳо аз гаштугузори зиёд дар кӯчаҳо, бахусус дар наздикии роҳҳо, ки ҳаракати нақлиёт ҳамеша зиёд аст, худдорӣ намоянд.
Шахсоне, ки дар саҳро ва сохтмон кор мекунанд, низ бояд эҳтиёткор бошанд.
Гуфта мешавад, ки чунин ҳавои чанголуд метавонад ба саломатӣ таъсири манфӣ расонад. Ба кӯдакон, пиронсолон, занони ҳомила ва онҳое, ки аз бемориҳои роҳи нафас ва дил азият мекашанд, бояд диққати ҷиддӣ дода шавад.
______________________
*«Боди афғонӣ» — шамоли сахти ҷанубу ғарбиест, ки аз чанд соат то чанд рӯз дар болои водиҳои Амударё, Сирдарё, Вахш мевазад ва бо тӯфони ғуборолуду аксаранбо раъду барқ ҳамроҳ аст.
АКС:- 24








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






