Дар Душанбе оид ба дастовард ва дурнамои Истиқлолияти Тоҷикистон Симпозиуми байналмилалии илмӣ доир шуд
ДУШАНБЕ, 06.09.2021. /АМИТ «Ховар»/. Имрӯз дар толори Академияи миллии илмҳои Тоҷикистон (АМИТ) ба ифтихори 30-солагии Истиқлолияти давлатии Ҷумҳурии Тоҷикистон таҳти унвони «Тоҷикистон дар масири таърих: истиқлолият, дастовард ва дурнамо» Симпозиуми байналмилалии илмӣ баргузор гардид.
Тавре хабарнигори АМИТ «Ховар» иттилоъ медиҳад, дар Симпозиуми байналмилалии илмӣ муовини Сарвазири Ҷумҳурии Тоҷикистон Матлубахон Сатториён, Президенти Академияи миллии илмҳои Тоҷикистон Фарҳод Раҳимӣ, олимони АМИТ ва меҳмонони хориҷӣ иштирок намуданд.
Президенти Академияи миллии илмҳои Тоҷикистон Фарҳод Раҳимӣ меҳмонон ва ишитирокчиёни симпозиумро ба ифтихори 30-солагии Истиқлолияти давлатии Ҷумҳурии Тоҷикистон табрик намуда, зикр дошт, ки «давоми ин 30 сол Тоҷикистон тавонист худро ба ҷаҳониён шиносонад. Маҳз кӯшишҳои ватанпарваронаи Пешвои миллат, Президенти Тоҷикистон муҳтарам Эмомалӣ Раҳмон буданд, ки дар ин муддати кӯтоҳ як мулки ҷангзада ба яке аз ҷумҳуриҳои обод табдил ёфт».
Муовини Сарвазири Ҷумҳурии Тоҷикистон Матлубахон Сатториён аз номи Ҳукумати ҷумҳурӣ иштирокчиёни симпозиумро бо ҷашни дарпешистодаи Истиқлолияти давлатӣ шодбош гуфта, марҳилаҳои расидан ба ин неъматро шарҳ дод. Мавсуф гуфт, ки «истиқлолият барои мардуми тоҷик ба осонӣ муяссар нашудааст, аз ин рӯ пос доштану арҷ гузоштан ба он вазифаи муқаддаси ҳар шаҳрванди ин мамлакат аст. Миллати тоҷик дар таърих бо фарҳанги волои худ шинохта шудааст ва дар якҷоягӣ бо Пешвои худ муҳтарам Эмомалӣ Раҳмон ин миллатро ояндаи аз ин ҳам дурахшонтар интизор аст».
Профессор Сайид Ҷалоли Бадахшонӣ (Англия) дар суханронии табрикӣ иброз намуд, ки «ман давоми ин 30 сол чандин бор ба ин кишвари биҳиштосо омадаам ва ҳар бор онро зеботару ободтар мебинам. Миллати тоҷик бо Пешвои хирадмандаш тавонист дар ин муддат роҳи садсолаи тараққиётро тай намояд».
Дар симпозиум меҳмонон аз Англия, Канада, Афғонистон, Осиёи Марказӣ иштирок намуда, ба унвони он аз 30 давлати дунё зиёда аз 110 маърӯзаи илмӣ расидааст.
Президенти Ҷумҳурии Тоҷикистон Эмомалӣ Раҳмон бо рафти корҳои сохтмонӣ дар бинои Театри миллӣ шинос шуданд
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Дар Хатлон Фестивали ҷумҳуриявии «Ҳафтаи китоби кӯдакону наврасон» баргузор гардид
Президенти Ҷумҳурии Тоҷикистон Эмомалӣ Раҳмон доир ба рафти омодагиҳо ба таҷлили ҷашни 35-солагии Истиқлоли давлатии Ҷумҳурии Тоҷикистон машварати корӣ доир намуданд
СОЛИ ОБОДОНИЮ СОЗАНДАГӢ. Сокинони деҳаи ба номи Ортиқ Ҷумаеви шаҳри Турсунзода бо оби нӯшокӣ таъмин шуданд
«ФУРӮҒИ МАЪРИФАТ». Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз шуд
Ҳамкории илмии Институти астрофизикаи Тоҷикистон ва Институти астрономияи Узбекистон густариш меёбад
Пагоҳ дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Дар доираи сафари кории Президенти Тоҷикистон дар Исфара иншооти соҳаи тандурустӣ ба истифода дода шуд
Наврӯзи байналмилалиро дар Академияи миллии илмҳо бо риояи суннату анъанаҳои миллӣ таҷлил намуданд
Дар Китобхонаи миллӣ Рӯзи дарҳои боз доир шуд
Дар Душанбе намоиш-фурӯши китобҳои тозанашр баргузор мегардад
