Дар Фестивали тобистонаи «Dushanbe summer Fest 2021» се ситораи эстрадаи Шарқ ҳунарнамоӣ менамоянд
ДУШАНБЕ, 17.09.2021 /АМИТ «Ховар»/. Се ситораи эстрадаи Шарқ — Юлдуз Усмонова, Арон Афшор ва Ҳамид Ҳирод дар Фестивали анъанавии тобистонаи «Dushanbe summer Fest», ки 25-26 сентябр дар пойтахти Тоҷикистон баргузор мешавад, ҳунарнамоӣ хоҳанд кард. Тавре ба АМИТ «Ховар» аз Мақомоти иҷроияи ҳокимияти давлатии шаҳри Душанбе хабар доданд, фестивал имсол бори сеюм аст, ки гузаронида мешавад.
Консерт дар “Наврӯзгоҳ» -и пойтахт баргузор мешавад ва дар он ба ҷуз аз ситораҳои эстрадаи ватанӣ меҳмонони даъватшуда низ ҳунарнамоӣ мекунанд.
Ҳамин тариқ, консерти ҳунарманди узбек Юлдуз Усмонова аллакай ба нақша гирифта шудааст. Илова бар ин, Арон Афшор, Ҳамид Ҳирод ва бисёр дигар овозхонон, навозандагон ва гурӯҳҳои эҷодӣ дар фестивали “Dushanbe summer Fest 2021” суруд мехонанд.
Фестивал дар доираи эълон гардидани Душанбе ҳамчун пойтахти сайёҳии кишварҳои узви СҲШ — 2020-2021 ва пойтахти фарҳангии ИДМ-2021 баргузор мешавад. Он ба 30 -юмин солгарди Истиқлолияти давлатии Тоҷикистон рост омадааст.
Ёдовар мешавем, ки аввалин фестивали тобистона дар пойтахт 18-19 августи соли 2018 баргузор шуда буд. Ва дуюмини он моҳи августи соли 2019 доир гардид. Соли 2020 Фестивали тобистонаи «Dushanbe Summer Fest» бинобар пандемияи коронавирус лағв карда шуд.
АКС: АМИТ «Ховар»
Таҷлили Рӯзи Парчами давлатии Ҷумҳурии Тоҷикистон дар шаҳри Душанбе
Ғолибони озмунҳои шаҳрии «Беҳтарин донандаи Конститутсия» ва «Омилҳои коррупсиониро маҳкум месозем» қадрдонӣ шуданд
Шурои якуми соҳибкорзанон баргузор шуд
Дар шаҳри Душанбе Рӯзи Президенти Тоҷикистон бошукӯҳ таҷлил гардид
«КОНСТИТУТСИЯ-КАФИЛИ ҲУҚУҚУ ОЗОДИҲОИ ИНСОН». Дар Мақомоти иҷроияи ҳокимияти давлатии шаҳри Душанбе ҳамоиши тантанавӣ доир шуд
31 ОКТЯБР-РӮЗИ ҶАҲОНИИ ШАҲРҲО. Зиёд гардидани ҳудуди сохтмонии шаҳри Душанбе то 25 ҳазор гектар дар соли 2040 пешбинӣ гардидааст
Дар Душанбе барои таҷлил намудани Рӯзи Парчами давлатии Ҷумҳурии Тоҷикистон омодагӣ мебинанд
Дар Душанбе Рӯзи Президенти Ҷумҳурии Тоҷикистон дар сатҳи баланд таҷлил мегардад
«ДУШАНБЕ-ОЯНДАИ ҲУШМАНД ВА УСТУВОР». Таҳти чунин унвон имрӯз Форуми миллӣ оид ба Шарҳи ихтиëрии маҳаллӣ доир шуд
Валентина Матвиенко: «Дар муддати дуюним сол Душанбе ба таври шинохтанашаванда тағйир ёфтааст»
Имрӯз дар шаҳри Душанбе Рӯзи омӯзгорон ботантана таҷлил гардид
Иҷлосияи нуздаҳуми маҷлиси вакилони халқи шаҳри Душанбе, даъвати шашум баргузор гардид
