Дар Нур-Султон иҷлосияи Шӯрои ҳамоҳангсози прокурорҳои генералии кишварҳои узви ИДМ доир гардид
ДУШАНБЕ,24.09.2021 /АМИТ «Ховар»/. Тавре қаблан хабар дода будем, 23 сентябр дар шаҳри Нур-Султон иҷлосияи 31-уми Шӯрои ҳамоҳангсози прокурорҳои генералии кишварҳои узви ИДМ баргузор гардид. Раёсати онро прокурори генералии Ҷумҳурии Қазоқистон Ғизат Нурдаулетов бар уҳда дошт, хабар медиҳад АМИТ «Ховар» бо истинод ба дафтари матбуоти Кумитаи иҷроияи ИДМ.
Дар кори Шӯро ҳайати Ҷумҳурии Тоҷикистон таҳти роҳбарии Прокурори генералии Ҷумҳурии Тоҷикистон Юсуф Раҳмон, инчунин ҳайатҳои Озарбойҷон, Арманистон, Беларус, Қазоқистон, Қирғизистон, Молдова, Русия, Узбекистон ва намояндагони Ассотсиатсияи байналмилалии прокурорҳо иштирок карданд.Дар иҷлосия аз номи Кумитаи иҷроияи ИДМ мушовири департаменти ҳамкорӣ дар соҳаи амният ва мубориза бо мушкилот ва таҳдидҳои нав Игор Малашевич ширкат варзид.
Шӯро 15 масъала, аз ҷумла масъалаҳои ташкилиро баррасӣ кард. Аз ҷумла, Прокурори генералии Федератсияи Русия Игор Краснов раиси Шӯрои ҳамоҳангсози прокурорҳои генералӣ барои соли оянда ва Владимир Зимин ба сифати котиби иҷроия (барои се сол) интихоб шуданд.
Дар мулоқот таваҷҷуҳи асосӣ ба табодули иттилоот дар бораи таҷрибаи кордода шуд ва доир ба ин мавзӯъ прокурорҳои генералӣ маърӯза намуданд. Бо қарори Шӯро маълумоти маърузачиён дар амал ба назар гирифта мешавад.Шӯрои ҳамоҳангсози Прокуратураи генералӣ якчанд маводи таҳлилӣ, аз ҷумла оид ба вазъи ҷинояткорӣ, амалияи татбиқи шартномаҳои байналмилалӣ дар мубориза бар зидди ҷинояткорӣ, амалияи фаъолият ва чораҳои беҳтар намудани ҳамкории прокурорҳо дар мубориза бо коррупсия, дар бораи вазъи қонуният дар соҳаи ҳифзи ҳуқуқу озодиҳои инсон ва шаҳрванд, дар бораи ҳамкорӣ дар соҳаи ҳифзи ҳуқуқ ва манфиатҳои қонунии ноболиғонро маъқул донист.
Шӯро инчунин маълумотро дар бораи татбиқи Барномаи байнидавлатии чораҳои муштарак оид ба мубориза бо ҷинояткорӣ барои солҳои 2019-2023 дар соли 2020 ва Барномаи ҳамкории кишварҳои узви ИДМ дар мубориза бо терроризм ва дигар зуҳуроти хушунатомези экстремизм барои солҳои 2020-2022-ро баррасӣ кард. Онҳо ҳамчунин натиҷаи иҷрои барномаҳои мубориза бо ҷиноятҳои бо истифода аз технологияҳои иттилоотӣ содиршуда ва ҳамкорӣ дар таҳкими амнияти сарҳадиро мавриди баррасӣ қарор доданд. Қарор аст ҷаласаи навбатии Шӯрои ҳамоҳангсози прокуророни генералии кишварҳои узви ИДМ моҳи июни соли 2022 дар Минск баргузор шавад.
АКСаз Хадамоти матбуоти Кумитаи иҷроияи ИДМ
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
